ଏସିଆ କପ୍ : ବର୍ଷା ଯୋଗୁଁ ଭାରତକୁ ଫାଇଦା, ପାକିସ୍ତାନକୁ ମିଳିପାରେ ବଡ଼ ଟାର୍ଗେଟ୍ – bajravana
[ad_1]
କଲମ୍ବୋ: ପୁଣି ଥରେ ଭାରତ-ପାକିସ୍ତାନ ମ୍ୟାଚରେ ଖଳନାୟକ ସାଜିଛି । ପ୍ରଥମ ଇନିଂସରେ ଭାରତ ବ୍ୟାଟିଂ କରି ଭଲ ସ୍ଥିତିରେ ଥିବବେଳେ ବର୍ଷା ଯୋଗୁଁ ଖେଳ ଅଟକି ରହିଛି । ବର୍ଷା ଯୋଗୁଁ ଖେଳ ଅଟକିବାବେଳକୁ ଭାରତ ୨୪.୧ ଓଭରରେ ୨ ଓ୍ବିକେଟ ହରାଇ ୧୪୭ ରନ କରିଥିଲା । କିନ୍ତୁ ବର୍ଷା ଯୋଗୁଁ ମ୍ୟାଚ ବିଳମ୍ବରେ ଆରମ୍ଭ ହେଲେ, କିମ୍ବା ଆଜି ଆଦୌ ନ ହୋଇପାରିଲେ କଣ ହେବ ? ଆସନ୍ତୁ ଦେଖିବା ଏପରି ସ୍ଥିତିରେ କଣ ହେବ ।
ଭାରତ-ପାକିସ୍ତାନ ମ୍ୟାଚ୍ ପାଇଁ ରିଜର୍ଭ ଡେ ରଖାଯାଇଛି। ଯଦି ବର୍ଷା କାରଣରୁ ଆଜି ମ୍ୟାଚ୍ ଆରମ୍ଭ ନହୁଏ, ତେବେ ସୋମବାର ସମାନ ସ୍କୋରରେ ମ୍ୟାଚ୍ ଆରମ୍ଭ ହେବ। ଅର୍ଥାତ୍ ବିରାଟ କୋହଲି ଓ କେଏଲ୍ ରାହୁଲ ୨୪.୧ ଓଭରରୁ ଆଗକୁ ଖେଳିବା ଆରମ୍ଭ କରିବେ। କ୍ରିକ୍ଇନ୍ଫୋ ର ଖବର ଅନୁଯାୟୀ, ଯଦି ଭାରତୀୟ ଦଳ ବର୍ଷା କାରଣରୁ ବ୍ୟାଟିଂ ନ କରେ ଏବଂ ପାକିସ୍ତାନକୁ ରବିବାର ୨୦ ଓଭର ବ୍ୟାଟିଂ କରିବାକୁ ପଡ଼େ, ତେବେ ମ୍ୟାଚ୍ ଜିତିବା ପାଇଁ ସେମାନଙ୍କୁ ୧୮୧ ରନ୍ କରିବାକୁ ପଡ଼ିବ। ଅର୍ଥାତ୍ ତାଙ୍କୁ ପ୍ରତି ଓଭରରେ ୯ ରନ୍ କରିବାକୁ ପଡ଼ିବ। ଏହା ତାଙ୍କ ପାଇଁ ସହଜ ହେବ ନାହିଁ।
ଡକୱର୍ଥ ଲୁଇସ୍ ନିୟମ ଅନୁଯାୟୀ ପାକିସ୍ତାନକୁ ୨୦ ଓଭରରେ ୧୮୧, ୨୧ ଓଭରରେ ୧୮୭, ୨୨ ଓଭରରେ ୧୯୪, ୨୩ ଓଭରରେ ୨୦୦ ଓ ୨୪ ଓଭରରେ ୨୦୬ ରନର ଟାର୍ଗେଟ ମିଳିବ। ଯଦି ଟିମ୍ ଇଣ୍ଡିଆ ଏହି ମ୍ୟାଚ୍ ଜିତିଥାଏ ତେବେ ବାଂଲାଦେଶ ଦଳ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିବ। ବାଂଲାଦେଶ ଦଳ ସୁପର-୪ର ଉଭୟ ପ୍ରାରମ୍ଭିକ ମ୍ୟାଚ୍ ହାରିଛି। ସେମାନେ ପାକିସ୍ତାନ ଓ ଶ୍ରୀଲଙ୍କାଠାରୁ ପରାସ୍ତ ହୋଇଛନ୍ତି।
[ad_2]