ଦୁର୍ଘଟଣାର ଶିକାର ହୋଇଥିବା ୨ଯୁବକଙ୍କୁ ସାହାଯ୍ୟ କରିବା ପଡ଼ିଲା ଭାରୀ, ବାପ-ପୁଅ ହେଲେ ଲୁଟର ଶିକାର – bajravana
[ad_1]
ରାୟପୁର: ଦୁର୍ଘଟଣାର ଶିକାର ହୋଇଥିବା ୨ଯୁବକଙ୍କୁ ସାହାଯ୍ୟ କରିବା ପଡ଼ିଲା ଭାରୀ। ବାପ-ପୁଅ ହେଲେ ଲୁଟର ଶିକାର। ଛତିଶଗଡ଼ର ରାୟପୁରରେ ଘଟିଛି ଏଭଳି ଘଟଣା। ରାତି ଅଧିକ ହୋଇଯାଇଥିବା ବେଳେ ଏକ ବାଇକରେ ଆସୁଥିବା ୨ଯୁବକ ତଳକୁ ଖସି ପଡ଼ିଥିଲେ। ଏହା ଦେଖି ଆଗରେ ଯାଉଥିବା ବାପ-ପୁଅ ଆସି ୨ଯୁବକଙ୍କୁ ଉଠାଇଥିଲେ। ହେଲେ ତଳେ ପଡ଼ିଥିବା ୨ଯୁବକ ଯେ ଚୋରି କରିବା ଉଦ୍ଦେଶ୍ୟରେ ଏଭଳି ନାଟକ ରଚିଛନ୍ତି, ତାହା ସେମାନଙ୍କୁ ଜଣାନଥିଲା। ତେବେ ୨ଅଭିଯୁକ୍ତ ଚୋରି କରିବାକୁ ଚେଷ୍ଟା କରିଥିଲେ ବି ସଫଳ ହୋଇପାରିନଥିବା ଜଣାଯାଇଛି। ଏନେଇ ଅଭିଯୋଗ ହେବା ପରେ ସିସିଟିଭି ଫୁଟେଜ୍ ଯାଞ୍ଚ କରି ତଦନ୍ତ ଆରମ୍ଭ କରିଛି ପୁଲିସ।
ଏହି ଘଟଣା ରାୟପୁରର ସରସ୍ୱତୀ ନଗରରେ ଅବସ୍ଥିତ ସହିଦ ମନମୋହନ ସିଂ ବକ୍ସି ୱାର୍ଡରେ ଘଟିଛି। ରାତି ପ୍ରାୟ ୧ଟା ବେଳେ ବାପା ଏବଂ ପୁଅ ଟ୍ରେନରୁ ଓହ୍ଲାଇ ଘରକୁ ଯାଉଥିଲେ। ଠିକ୍ ସେତିକି ବେଳେ ଦୁଇଜଣ ଯୁବକ ବାଇକ୍ ନେଇ ରାସ୍ତାରେ ପହଞ୍ଚିଥିଲେ। ଚୋରି କରିବା ଉଦ୍ଦେଶ୍ୟରେ କିଛି ଦୂର ଆଗକୁ ଯାଇ ବାଇକରୁ ଖସିଯିବାର ଛଳନା କରିଥିଲେ ୨ଅଭିଯୁକ୍ତ। ଏହା ଦେଖି ଚାଲି ଚାଲି ଆସୁଥିବା ବାପା ଏବଂ ପୁଅ ତାଙ୍କୁ ସାହାଯ୍ୟ କରିବାକୁ ଦୌଡ଼ିଥିଲେ। ସେଠାରେ ପହଞ୍ଚିବା ପରେ ୨ଅଭିଯୁକ୍ତ ଛୁରୀ ଦେଖାଇ ଚୋରି କରିବାକୁ ଉଦ୍ୟମ କରିଥିଲେ। ହେଲେ ବହୁତ ଚେଷ୍ଟା କରିବା ପରେ ବାପ-ପୁଅ ଚୋରଙ୍କ କବଳରୁ ଖସିଯିବାରେ ସଫଳ ହୋଇଥିଲେ। ପରେ ପୁଲିସକୁ ଏହି ଘଟଣା ନେଇ ଏତଲା ଦେବାରୁ ଏବେ ପୁଲିସ ଯାଞ୍ଚ ଆରମ୍ଭ କରିଛି।
[ad_2]
