[ad_1]
ନୂଆଦିଲ୍ଲୀ: ବଲିଉଡ ଖିଲାଡୀ ଅକ୍ଷୟ କୁମାର ଓ ପଙ୍କଜ ତ୍ରିପାଠୀଙ୍କ ଫିଲ୍ମ ‘ଓଏମଜି-୨’ ଚଳିତବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ ଥିଲା। ଏହି ଚଳଚ୍ଚିତ୍ର ୧୧ ଅଗଷ୍ଟରେ ମୁକ୍ତିଲାଭ କରିଥିଲା | ତେବେ ସନ୍ନି ଦେଓଲ୍ଙ୍କ ଅଭିନୀତ ଚଳଚ୍ଚିତ୍ର ‘ଗଦର୍: ଏକ୍ ପ୍ରେମ୍ କଥା’ର ଦ୍ବିତୀୟ ଭାଗ ‘ଗଦର-୨’ ଏବଂ ୨୦୧୨ ମସିହାରେ ମୁକ୍ତିଲାଭ କରିଥିବା ଅକ୍ଷୟ କୁମାରଙ୍କ ଚଳଚ୍ଚିତ୍ର ‘ଓଏମ୍ଜି(ଓଃ ମାଇ ଗଡ୍)’ର ଦ୍ବିତୀୟ ଭାଗ ‘ଓଏମ୍ଜି-୨’ ଏକାସଙ୍ଗେ ଅଗଷ୍ଟ ୧୧ ତାରିଖରେ ମୁକ୍ତିଲାଭ କରିଥିଲା |
ଆଉ ଦୁଇଟି ଫିଲ୍ମ ମଧ୍ୟରେ କଡା ଟକ୍କର ମଧ୍ୟ ହୋଇଥିଲା | ଓଏମ୍ଜି-୨, ୧୨୦ କୋଟିରୁ ଅଧିକ ରୋଜଗାର କରିଛି | ତେବେ ଏହି ଚଳଚ୍ଚିତ୍ର ରିଲିଜ ହେବା ପୂର୍ବରୁ ଅନେକ ବିବାଦରେ ଛନ୍ଦି ହୋଇଯାଇଥିଲା | ଚଳଚ୍ଚିତ୍ରରେ ଅକ୍ଷୟ କୁମାରଙ୍କୁ ଭଗବାନ ଶିବଙ୍କ ରୂପରେ ନ ଦେଖାଇ ତାଙ୍କ ଦୂତ ଭାବେ ଦେଖାଇବାକୁ ସେନ୍ସର୍ ବୋର୍ଡ ପରାମର୍ଶ ଦେଇଥିଲା । ସେନ୍ସର୍ ବୋର୍ଡ ଏଥିରେ ୨୭ଟି କଟ୍ ମାରିଥିବା ବେଳେ ଚଳଚ୍ଚିତ୍ରକୁ ‘ଏ’ ସାର୍ଟିଫିକେଟ୍ ମିଳିଥିଲା ।
ଅର୍ଥାତ ଏହି ଚଳଚ୍ଚିତ୍ରକୁ ୧୮ ବର୍ଷରୁ କମ୍ ପିଲାମାନେ ଦେଖିପାରିବେ ନାହିଁ ବୋଲି ସେନସର ବୋର୍ଡ କହିଥିଲା। ତେବେ ଓଏମଜି-୨ ନିର୍ଦ୍ଦେଶକ ଅମିତ ରାୟ ଏବେ ଏକ ସାକ୍ଷାତକାରରେ କହିଛନ୍ତି ଯେ ଏହି ଫିଲ୍ମଟି ଯେତେବେଳେ ଓଟିଟିରେ ରିଲିଜ ହେବ କୌଣସି ଦୃଶ୍ୟ କଟାଯିବ ନାହିଁ | ଅର୍ଥାତ ସେନସର ବୋର୍ଡ ଯେଉଁ ସବୁ ଦୃଶ୍ୟ କାଟିଦେଇଥିଲା ସେଗୁଡିକ ଓଟିଟିରେ ଦେଖିବାକୁ ମିଳିବ | କଟକଣା ବିନା ଓଟିଟିରେ ଉପଲବ୍ଧ ହେବ।
[ad_2]
