[ad_1]
ବ୍ରହ୍ମପୁର: ଅରୁଣାଂଚଳ ପ୍ରଦେଶର ଇଟାନଗର ଠାରେ ଚାଲିଥିବା ଜାତୀୟ ଭାରୋତ୍ତୋଳନ ପ୍ରତିଯୋଗିତାରେ ଓଡ଼ିଶାର ଦୁଇ ପ୍ରତିଯୋଗୀ ପଦକ ହାସଲ କରିଛନ୍ତି। ବରିଷ୍ଠ ମହିଳା ୫୫କେଜି ବର୍ଗରେ ସ୍ନେହା ସୋରେନ୍ଙ୍କୁ ଦୁଇଟି ପଦକ ମିଳିଛି। ସେ ୮୨କେଜି ସ୍ନାଚ ଏବଂ ୧୦୭କେଜି କ୍ଲିନ୍ ଆଣ୍ଡ ଜର୍କରେ ମୋଟ ୧୮୯ କେଜି ଭାରୋତ୍ତୋଳନ କରି ଅନ୍ତଃରାଜ୍ୟ ସ୍ବର୍ଣ୍ଣପଦକ ହାସଲ କରିଛନ୍ତି। କିନ୍ତୁ ସମୂହଭାବେ ସେ ଦ୍ବିତୀୟ ସ୍ଥନରେ ରହି ରୌପ୍ୟପଦକ ଲାଭ କରିଛନ୍ତି। ସେହିପରି ଯୁବ ମହିଳା ୫୫କେଜି ବର୍ଗରେ ମୀନା ସାନ୍ତା ରୌପ୍ୟପଦକ ହାସଲ କରିଛନ୍ତି। ସେ ୭୪ କେଜି ସ୍ନାଚ୍ ଏବଂ ୯୪ କେଜି କ୍ଲିନ୍ ଆଣ୍ଡ ଜର୍କରେ ମୋଟ ୧୬୮କେଜି ଭାରୋତ୍ତୋଳନ କରି ଏହି ସଫଳତା ପାଇଛନ୍ତି। ଅନ୍ୟପକ୍ଷେ ପୂର୍ବରୁ ଏହି ପ୍ରତିଯୋଗିତାରେ ଜ୍ୟୋତ୍ସ୍ନା ଶବର ନିଜବର୍ଗରେ ସ୍ବର୍ଣ୍ଣପଦକ ହାସଲ କରିଥିବା ବେଳେ ପ୍ରୀତିସ୍ମିତା ଭୋଇ ରୌପ୍ୟ ଏବଂ ହର୍ଷବର୍ଦ୍ଧନ ସାହୁ କାଂସ୍ୟ ପଦକ
ହାସଲ କରିଥିଲେ।
[ad_2]
