[ad_1]
ନୂଆଦିଲ୍ଲୀ: ଚନ୍ଦ୍ରପୃଷ୍ଠରେ ଐତିହାସିକ ଅବତରଣ ପୂର୍ବରୁ ‘ଏଲ୍ପିଡିସି’ କ୍ୟାମେରାଦ୍ବାରା ଚନ୍ଦ୍ରଯାନ-୩ ଉଠାଇଥିବା ଚନ୍ଦ୍ରର ଅପରପାର୍ଶ୍ବର କେତୋଟି ଚମତ୍କାର ଫଟୋ ଆଜି ‘ଇସ୍ରୋ’ ସେୟାର୍ କରିଛି। ଚନ୍ଦ୍ରଯାନ-୩ ଚନ୍ଦ୍ରପୃଷ୍ଠରେ କେବେ ଅବତରଣ କରିବ, ତା’କୁ ସାରା ଦେଶବାସୀ ଉତ୍ସାହର ସହ ଅପେକ୍ଷା କରିଥିବା ବେଳେ ଲୋକପ୍ରିୟ ଅଭିନେତା ପ୍ରକାଶ ରାଜ୍ ଏହି ମିଶନକୁ ସମାଲୋଚନା କରି ଟ୍ରୋଲ ହୋଇଛନ୍ତି।
କିଛି ଦିନ ହେଲାଣି ଚନ୍ଦ୍ରର ଅନେକ ଫଟୋ ସାମ୍ନାକୁ ଆସିଥିବା ବେଳେ ଏହାକୁ ସମାଲୋଚନା କରି ପ୍ରକାଶ ରାଜ୍ ଏକ୍ସରେ ଏକ ଫଟୋ ପୋଷ୍ଟ କରିଛନ୍ତି। ଫଟୋରେ ଜଣେ ବ୍ୟକ୍ତି ଲୁଙ୍ଗି ପିନ୍ଧିଥିବା ସହ ଚା’ ଢ଼ାଳୁଥିବା ଦେଖାଯାଇଛି। ଏଭଳି ଫଟୋ ପୋଷ୍ଟ କରି ପ୍ରକାଶ ରାଜ୍ ଲେଖିଛନ୍ତି, “ଚନ୍ଦ୍ରରୁ ବିକ୍ରମ ଲ୍ୟାଣ୍ଡର ପଠାଇଥିବା ପ୍ରଥମ ଫଟୋ। ଏହା ପରେ ହାସଟ୍ୟାଗ୍ ଦେଇ ଜଷ୍ଟ ଆସ୍କିଙ୍ଗ ବୋଲି ଲେଖିଛନ୍ତି ପ୍ରକାଶ ରାଜ୍।
BREAKING NEWS:-
First picture coming from the Moon by #VikramLander Wowww #justasking pic.twitter.com/RNy7zmSp3G— Prakash Raj (@prakashraaj) August 20, 2023
ତେବେ ଏଭଳି ପୋଷ୍ଟ ପରେ ଏକ୍ସ ବ୍ୟବହାରକାରୀ ପ୍ରକାଶ ରାଜଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି। କଂଗ୍ରେସର ବରିଷ୍ଠ ନେତା ଅଭିଷେକ ସିଂବୀ ପ୍ରକାଶ ରାଜଙ୍କ ଏହି ପୋଷ୍ଟକୁ ଲଜ୍ଜାଜନକ ବୋଲି କହିଛନ୍ତି। ଏହା ସହ ଚନ୍ଦ୍ରଯାନ ମିଶନ ସାରା ଭାରତ ପାଇଁ ଗର୍ବର ବିଷୟ ହୋଇଥିବା ବେଳେ ପ୍ରକାଶଙ୍କ ଏଭଳି ପୋଷ୍ଟକୁ ନାପସନ୍ଦ କରିଛନ୍ତି ଲୋକେ।
ଉଲ୍ଲେଖଯୋଗ୍ୟ, ଅଗଷ୍ଟ ୨୩ ତାରିଖ ସନ୍ଧ୍ୟା ୬.୦୪ରେ ଚନ୍ଦ୍ରଯାନ-୩ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ ବୋଲି ଆଶା କରାଯାଉଛି। ଏଥିପାଇଁ ରବିବାର ସକାଳେ ଦ୍ବିତୀୟ ତଥା ଚୂଡ଼ାନ୍ତ ବେଗହ୍ରାସ ପ୍ରକ୍ରିୟା ସଫଳତାର ସହିତ ସମ୍ପନ୍ନ କରାଯାଇଥିଲା।ଶ୍ରୀହରିକୋଟାସ୍ଥିତ ସତୀଶ ଧୱନ୍ ସ୍ପେସ୍ ସେଣ୍ଟର୍ରୁ ଜୁଲାଇ ୧୪ ତାରିଖ ଦିନ ଉତ୍କ୍ଷେପଣ କରାଯାଇଥିବା ଚନ୍ଦ୍ରଯାନ-୩ ଅଗଷ୍ଟ ୫ ତାରିଖ ଦିନ ଚନ୍ଦ୍ରର କକ୍ଷପଥରେ ପ୍ରବେଶ କରିଥିଲା।
[ad_2]
