ଖରା ଦିନେ ଝାଳ ତ ସମସ୍ତଙ୍କ ଶରୀରରୁ ବାହାରେ ହେଲେ ଏହି ଝାଳ ବାହାରିବା ବେଳେ ବେଳେ ଆପଣଙ୍କ ପାଇଁ ଚିନ୍ତାର କାରଣ ହୋଇଯାଏ । ଶରୀରରୁ ହଟାତ ଝାଳ ବାହାରିବା ଦ୍ୱାରା ଆପଣଙ୍କ ଜୀବନ ବିପଦ ଆଡକୁ ଠେଲି ହୋଇ ଯାଇ ପାରେ । ଶରୀରରୁ ଝାଳ ବାହାରିବା ତ ଅଲଗା କଥା କିନ୍ତୁ ଯଦି ପାଦ ଏବଂ ହାତରୁ ହଟାତ ଝାଳ ବାହାରେ ତେବେ ଏହା ଆପଣଙ୍କ ଶରୀର ପାଇଁ ବଡ଼ ବିପଦ । ଏହା ଜାଣିବା ପରେ ଆପଣଙ୍କ ମନରେ ନିହାତି ଭାବେ ପ୍ରଶ୍ନ ଉଠୁଥିବ କି ଝାଳ କଣ ଶରୀର ପାଇଁ ସତରେ ଏତେ ବିପଦ ଜନକ । ତେବେ ଆସନ୍ତୁ ଜାଣିବା କେଉଁ ପରିସ୍ଥିତିରେ ଝାଳ ବାହାରେ ଓ ହାତ ଗୋଡ଼ରୁ ଝାଳ ବାହାରିବା କେଉଁ ସୂଚନା ଦିଏ । ଏହା ଦ୍ୱାରା ଆପଣଙ୍କ ଜୀବନ ପ୍ରତି କେଉଁ ବିପଦ ରହିଛି ।
ବର୍ତ୍ତମାନ ସମୟ ସହିତ ମଣିଷ ପରିବର୍ତ୍ତନ ହେଉଥିବା ଆପଣ ମାନେ ନିହାତି ଜାଣିଥିବେ । ଆପଣ ମାନଙ୍କ ଭିତରୁ କେହି କେହି ଆଧୁନିକତାର ପନ୍ଥା ଅବଲମ୍ବନ କରି ଏକ ବିଳାସପୂର୍ଣ ଜୀବନ ବିତାଉ ଥିବେ ଓ ବିତାଇ ବାକୁ କେହି କେହି ଇଚ୍ଛା ରଖିଥିବେ । ହେଲେ ସେହି ବିଳାସପୂର୍ଣ ଜୀବନ ବିତାଇବା ଆଉ ନିଜେ ଆଧୁନିକତାକୁ ଗ୍ରହଣ କରିବା ଲାଇଫ ଷ୍ଟାଇଲରେ ପରିବର୍ତ୍ତନ ଆଣିବା ଦ୍ୱାରା ଶରୀରରେ ଅନେକ ରୋଗ ସୃଷ୍ଟି ହେଉଛି ବୋଲି ଡାକ୍ତର ମାନେ କୁହନ୍ତି । ହେଲେ କିନ୍ତୁ ଏହି କିଛି ବର୍ଷ ଭିତରେ ମଧୁମେହ ,ଉଚ୍ଚ ରକ୍ତ ଚାପ ଭଳି ରୋଗ ଘରେ ଘରେ ତୀବ୍ର ବେଗରେ ବୃଦ୍ଧି ପାଇବାରେ ଲାଗିଛି । ଘରୁ ଟଙ୍କା ସରି ଯାଉଛି ହେଲେ ଔଷଧ ସରୁନି । ବର୍ତ୍ତମାନ ମଣିଷ ଏପରି ଏକ ଅବସ୍ଥାରେ ଆସି ପହଞ୍ଚିଛି କି ପ୍ରତି ପରିବାରରେ ଦୁଇ ରୁ ଚାରି ଲୋକେ ଏହି ରୋଗର ଆକ୍ରାନ୍ତ ହେଉଛନ୍ତି । ତେବେ କେହି କେହି ମଧୁମେହ ରୋଗକୁ ଅତି ହାଲୁକା ଭାବେ ନେଉଥିବା ବେଳେ ଏହା ପରେ ଜୀବନକୁ ମୃତ୍ୟୁ ମୁଖକୁ ଠେଲି ଦେଇଥାଏ ।
ଯଦି ଆପଣଙ୍କ ପାଦ କିମ୍ବା କାଖ କିମ୍ବା ହାତରୁ ଅତ୍ୟାଧିକ ଝାଳ ବାହାରୁଛି ତେବେ ଆପଣ ମଧୁମେହ ପରୀକ୍ଷା କରିବା ଉଚିତ । ଆଉ ଜୀବନ ବିପଦ ଆଡକୁ ଠେଲି ହୋଇ ଯିବା ପୂର୍ବରୁ ଆପଣ ତାର ନିରାକରଣ କରିବା ଉଚିତ । ଯଦି ଆପଣ ଶୀତ ଦିନରେ ବି ଲକ୍ଷ କରୁଛନ୍ତି ଆପଣଙ୍କ ପାଦ କିମ୍ବା ହାତରୁ ଝାଳ ବାହାରୁଛି ତେବେ ତୁରନ୍ତ ଡାକ୍ତରଙ୍କ ନିକଟକୁ ଯାଇ ତାର ଚିକିତ୍ସା କରାଇ ନିଅନ୍ତୁ । କାରଣ ପାଦ ତଳେ ଝାଳ ବାହାରିବା ଡାଇବେଟିସ ବା ଯାହାକୁ ଆମେ ଓଡ଼ିଆରେ ମଧୁମେହ ବୋଲି କହିଥାଉ ତାହାର ଲକ୍ଷଣ । ଯଦି କିଛି ଖାଇବା ପରେ ହଟାତ ଆପଣଙ୍କ ପାଦରୁ ଝାଳ ବାହାରୁଛି ତେବେ ଏହା ମଧ୍ୟ ମଧୁ ମେହର ଲକ୍ଷଣ ବୋଲି କୁହାଯାଇଥାଏ । କେବଳ ଏତିକି ନୁହେଁ ହୃଦୟ ଜନିତ ରୋଗ ହେବା କାରଣରୁ ପ୍ରାୟତ ହାତ ଏବଂ ପାଦରୁ ଝାଳ ବାହାରି ଥାଏ ।
