[ad_1]
ନୂଆଦିଲ୍ଳୀ: ଅନଲାଇନରୁ ଖାଦ୍ୟ ଅର୍ଡର କରିବା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ସମୟସମୟରେ ଅନଲାଇନରୁ ଖାଦ୍ୟ ଅର୍ଡର କରି ଗ୍ରାହକମାନେ ହନ୍ତସନ୍ତ ହୋଇଥିବା ଘଟଣା ସାମ୍ନାକୁ ଆସିଛି। ଅନେକ ସମୟରେ ଅନଲାଇନରୁ ଅର୍ଡର କରିଥିବା ଖାଦ୍ୟରେ ମଲା ଅସରପା, ଝିଟିପିଟି ଓ ପୋକ ବାହାରିବାର ଘଟଣାକୁ ନେଇ ଗ୍ରାହକମାନେ ଫଟୋ ସହିତ ସୋସିଆଲ ମିଡିଆରେ ପୋଷ୍ଟ କରିଥାଆନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି କ୍ରମରେ ନିକଟରେ ଅନଲାଇନରୁ ଖାଦ୍ୟ ଅର୍ଡର କରିଥିବା ସୋନାଇ ଆଚାର୍ଯ୍ୟ ଏକ ପୋଷ୍ଟ ସେୟାର କରି କହିଛନ୍ତି, ‘ ଜୋମାଟୋରୁ ଖାଦ୍ୟ ଅର୍ଡର କରିବା ଭୟାବହ ରହିଥିଲା। ମୁଁ ଅଟି ଫଗ ଭୋଜନାଳୟରୁ ଜାପାନୀ ରେମନ ଚିକେନର ଏକ ବାଉଲ ଅର୍ଡର କରିଥିଲି। ଏହି ଖାଦ୍ୟ ମୁଁ ଖାଇବାକୁ ଯାଉଥିବା ବେଳେ ଏଥିରେ ମଲା ଅସରପା ବାହାରିଥିଲା। ଏହି ଘଟଣା ପରେ ଚିକେନ ଖାଇବା ପ୍ରତି ମୋର ଘୃଣା ଆସି ଯାଇଛି। ଜୋମାଟୋକୁ ନେଇ ମୁଁ ଅସନ୍ତୋଷ।’
Just had a horrific experience ordering from @Zomato. Ordered Japanese miso ramen chicken from Auntie Fug’s and found a cockroach in my meal! Absolutely unacceptable and disgusting Seriously disappointed with the quality control here. @Zomato is beyond gross.#ZomatoNightmare pic.twitter.com/R3wleOfPpj
— Sonai Acharya (@sonai4u) February 14, 2024
ଗ୍ରାହକଙ୍କ ଏହି ଅଭିଯୋଗକୁ ଗମ୍ଭୀରତା ସହ ନେଇ ଜୋମାଟୋ ପ୍ରତିକ୍ରିୟା ଦେଇ କହିଛି, ‘ନମସ୍କାର, ଏଭଳି ଏକ ଅସନ୍ତୋଷଜନକ ଘଟଣା ପାଇଁ ଆମେ ଦୁଃଖୀତ। ଆମେ ଏଭଳି ଘଟଣା ଉପରେ ଧ୍ୟାନ ଦେବୁ। ଆପଣ ଏହି ଖାଦ୍ୟ ପାଇଁ ଯେତିକି ଟଙ୍କା ଖର୍ଚ୍ଚ କରିଥିଲେ ଫେରସ୍ତ ପାଇଯିବେ। ଏମିତି ଘଟଣା ଆଗକୁ ଯେମିତି କୌଣସି ଗ୍ରାହକଙ୍କ ସହ ନଘଟୁ ସେଥିପାଇଁ ଆମେ ଯତ୍ନଶୀଳ ହେବୁ।
[ad_2]
