[ad_1]
ଡେରାଡୁନ: ଡେରାଡୁନର ଜଲି ଗ୍ରାଣ୍ଟ ବିମାନବନ୍ଦରରେ ନିୟୋଜିତ ସୁରକ୍ଷା ଅଧିକାରୀଙ୍କ ସହ ଦୁର୍ବ୍ୟବହାର କରିବା ଏବଂ କୋଠାକୁ ବୋମା ପକାଇ ଉଡ଼ାଇ ଦେବାକୁ ଧମକ ଦେବା ଅଭିଯୋଗରେ ମୁମ୍ବାଇର ଜଣେ ମଡେଲଙ୍କୁ ଶୁକ୍ରବାର ବିଳମ୍ବିତ ରାତିରେ ଗିରଫ କରାଯାଇଛି। ପରେ ୩୨ ବର୍ଷୀୟା ମେଘା ଶର୍ମାଙ୍କୁ ଜାମିନ ମିଳିଥିବା ଜଣାପଡ଼ିଛି। ଡୋଇୱାଲା ଥାନା ଅଧିକାରୀ ହୋସିୟାର ସିଂହ ପାନଖୋଲି କହିଛନ୍ତି, ଆମେ ସିଆଇଏସ୍ଏଫ୍ ସବ୍-ଇନ୍ସପେକ୍ଟର ସୁନୀତା ଦେବୀଙ୍କଠାରୁ ଅଭିଯୋଗ ପାଇଛୁ। ସ୍କାନିଂ ସିଷ୍ଟମ୍ରେ ମେଘାଙ୍କ ହ୍ୟାଣ୍ଡବ୍ୟାଗ୍ର ଫଟୋ ସ୍ପଷ୍ଟ ନ ହେବାରୁ ଏହି ସମସ୍ୟା ଉପୁଜିଥିଲା।
Sambad is now on WhatsApp
Join and get latest news updates delivered to you via WhatsApp
ଦେବୀ ମାନୁଆଲ ଯାଞ୍ଚ କରିବାକୁ ଅନୁରୋଧ କରିଥିଲେ, କିନ୍ତୁ ମେଘା ଅଶାଳୀନ ଭାଷାରେ ଗାଳିଗୁଲଜ କରିଥିଲେ। ସହଯୋଗ କରିବାକୁ ଅନୁରୋଧ କରାଯିବାରୁ ସେ ବିମାନବନ୍ଦରରେ ବୋମାମାଡ଼ କରିବାକୁ ଧମକ ଦେଇଥିଲେ। ଏକ ବିମାନରେ ମେଘା ଜଣେ ବନ୍ଧୁଙ୍କ ସହ ମସୁରୀ ବୁଲି ମୁମ୍ବାଇ ଫେରୁଥିବା ବେଳେ ଏକ ରୁଟିନ୍ ବ୍ୟାଗେଜ୍ ସ୍କାନ୍ ଘଟଣାକୁ ନେଇ ଜଣେ ମହିଳା ସିଆଇଏସ୍ଏଫ୍ ଅଧିକାରୀଙ୍କ ସହ ତାଙ୍କର ବଚସା ହୋଇଥିଲା। ସିଆଇଏସ୍ଏଫ୍ ଅଧିକାରୀମାନେ ତୁରନ୍ତ ମେଘାଙ୍କୁ ଧରି ସ୍ଥାନୀୟ ପୁଲିସକୁ ହସ୍ତାନ୍ତର କରିଥିଲେ। ତାଙ୍କ ବିରୋଧରେ ଆଇପିସିର ଧାରା ୩୫୩ ଏବଂ ୫୦୪ ଅନୁଯାୟୀ ମାମଲା ରୁଜୁ କରାଯିବା ସହ ଗିରଫ କରାଯାଇଥିଲା। ଅଭିଯୋଗ ଜାମିନଯୋଗ୍ୟ ହୋଇଥିବାରୁ ଗିରଫ ହେବା ପରେ ମେଘାଙ୍କୁ ଥାନାରୁ ଛାଡ଼ି ଦିଆଯାଇଥିଲା।
[ad_2]
