[ad_1]
ମୁମ୍ବାଇ: ପ୍ରସିଦ୍ଧ ଚଳଚ୍ଚିତ୍ର ନିର୍ମାତା-ନିର୍ଦେଶକ ବିବେକ ଅଗ୍ନିହୋତ୍ରୀ ଏବେ ତାଙ୍କ ଆଗାମୀ ସିନେମା ପାଇଁ ଚର୍ଚ୍ଚାରେ ଅଛନ୍ତି। ଏନେଇ ସେ ଘୋଷଣା କରିବାକୁ ଯାଉଛନ୍ତି। ସବୁଠାରୁ ବଡ଼ କଥା ହେଲା ଯେ ଏହି ସିନେମାର କାହାଣୀ ପ୍ରଖ୍ୟାତ କନ୍ନଡ଼ ଲେଖକ ଏସ ଏଲ୍ ଭୈରପ୍ପାଙ୍କ ପୁସ୍ତକ ‘ପର୍ବ’ ଉପରେ ଆଧାରିତ। ଏସ ଏଲ୍ ଭୈରପ୍ପାଙ୍କ ‘ପର୍ବ’ ଏକ ସଂସ୍କୃତ ଉପନ୍ୟାସ। ମହାଭାରତର ବିଭିନ୍ନ ଚରିତ୍ରମାନଙ୍କର ବ୍ୟକ୍ତିଗତ ପ୍ରତିଫଳନ ସଂପର୍କରେ ଏହି ଉପନ୍ୟାସରେ ବର୍ଣ୍ଣିତ ହୋଇଛି। ଉପନ୍ୟାସଟି ଏକ ଆଧୁନିକ କ୍ଲାସିକ୍ ଭାବରେ ଉଚ୍ଚ ପ୍ରଶଂସିତ ହୋଇଛି|
‘ପର୍ବ’ ତିନିଟି ଭାଗ ବିଶିଷ୍ଟ ଫ୍ରାଞ୍ଚାଇଜ୍ ହେବ ବୋଲି ସୂଚନା ରହିଛି। ନିର୍ଦ୍ଦେଶକ ଆଜି ବେଙ୍ଗାଲୁରୁରେ ଫିଲ୍ମ ସଂପର୍କରେ ଅଧିକ ଘୋଷଣା କରିବାର କାର୍ଯ୍ୟକ୍ରମ ରହିଛି। ଏହି ସମୟରେ ନିର୍ମାତା ତଥା ଅଭିନେତ୍ରୀ ପଲ୍ଲବୀ ଯୋଶୀ, ସହ ଲେଖକ ପ୍ରକାଶ ବେଲାୱାଡି ଏବଂ ପର୍ବ ଉପନ୍ୟାସର ଲେଖକ ଏସ ଏଲ୍ ଭୈରପ୍ପା ଏହି କାର୍ଯ୍ୟକ୍ରମରେ ମଧ୍ୟ ଉପସ୍ଥିତ ରହିବେ।
ଉଲ୍ଲେଖଯୋଗ୍ୟ, ବିବେକ ଅଗ୍ନିହୋତ୍ରୀଙ୍କ ଚଳଚ୍ଚିତ୍ର ‘କାଶ୍ମୀର ଫାଇଲ୍ସ’ ବକ୍ସ ଅଫିସରେ ଏକ ବଡ଼ ହିଟ୍ ବୋଲି ସାବ୍ୟସ୍ତ ହୋଇଥିଲା। ଏହାପରେ ଚଳଚ୍ଚିତ୍ର ନିର୍ମାତାଙ୍କ ଠାରୁ ଉଭୟ ସମାଲୋଚକ ଏବଂ ପ୍ରଶଂସକଙ୍କ ଆଶା ବହୁତ ବୃଦ୍ଧି ପାଇଲା। ତେବେ ବିବେକଙ୍କ ଶେଷ ରିଲିଜ୍ ‘ୱାକ୍ସର୍ ୱାର୍’ ବକ୍ସ ଅଫିସରେ ଭଲ ପ୍ରଦର୍ଶନ କରିବାରେ ବିଫଳ ହୋଇଛି। ପୂର୍ବରୁ ତାଙ୍କ ସିନେମା ‘ ଦ ତାସକେଣ୍ଟ ଫାଇଲ୍ସ’ ବି ଚର୍ଚ୍ଚାକୁ ଆସିଥିଲା।
[ad_2]
