ଏବେ ଫ୍ୟାନମାନେ ଆଲିୟା କାଶ୍ୟପ ଓ ଶେନ୍ ଗ୍ରେଗୋଇରେଙ୍କ ୱେଡିଂ ଫଟୋରୁ ଧ୍ୟାନ ହଟାଇ ନ ଥିବା ବେଳେ ସେପଟେ କପଲ ବର୍ତ୍ତମାନ ନିଜର ହନିମୁନର ଝଲକ୍ ମଧ୍ୟ ଦେଖାଇ ଦେଇଛନ୍ତି । ଡାଇରେକ୍ଟର ଅନୁରାଗ କାଶ୍ୟପଙ୍କ ଝିଅ ଓ ଜ୍ୱାଇଁ ବିବାହ ପରେ ମାଳଦ୍ଵୀପରେ ହନିମୁନ କରିବାକୁ ଯାଇଛନ୍ତି ।
ଆଲିୟା-ଶେନଙ୍କ ବିବାହକୁ ୧ ସପ୍ତାହ ପୂରିଯାଇଛି । କପଲ୍ ନିଜର ଟୁ-ମଚ୍ ହାପି ଫେଜରେ ଅଛନ୍ତି ଏବଂ ଖୁବ୍ ଏଞ୍ଜୟ କରୁଛନ୍ତି । ଉଭୟ ବିଦେଶରେ ରୋମାଣ୍ଟିକ୍ ମୁହୂର୍ତ୍ତ ବିତାଉଛନ୍ତି । ଆଲିୟା ସେଠାରୁ କେତେଗୁଡ଼ିଏ ଫଟୋ ଫ୍ୟାନମାନଙ୍କ ସହ ସେୟାର କରିଛନ୍ତି ।
ଏକ ଫଟୋରେ ସେ ବିକିନୀରେ ନିଜର କର୍ଭସ ଫ୍ଲଣ୍ଟ୍ କରୁଥିବାର ନଜର ଆସିଛନ୍ତି । ଫଟୋଗୁଡ଼ିକରେ ତାଙ୍କର ଅଲଗା ଅଲଗା ବୋଲ୍ଡ ଅନ୍ଦାଜ ଦେଖିବାକୁ ମିଳିଛି । ବ୍ଲାକ୍ ବିକିନୀ ପିନ୍ଧି ଆଲିୟା ସ୍ୱାମୀଙ୍କ ସହ ବିଚରେ ବୁଲୁଥିବାର ଦେଖାଯାଇଛନ୍ତି । ଉଭୟ ପରସ୍ପରର ହାତ ଧରି ଚାଲୁଛନ୍ତି ।
ଆଉ ଏକ ଫଟୋରେ ଶେନ୍ ଓ ଆଲିୟା ନିଜ ନିଜର ବାହାଘର ମୁଦି ଦେଖାଇଛନ୍ତି । ଆଲିୟାଙ୍କର ମେହେନ୍ଦୀ ଲଗା ହାତରେ ଡାଇମଣ୍ଡ ରିଙ୍ଗ୍ ଖୁବ୍ ସୁନ୍ଦର ଦେଖାଯାଉଛି । କପଲଙ୍କ ବିବାହ ପରେ ଏହି ହନିମୁନ ଫଟୋଗୁଡ଼ିକ ମଧ୍ୟ ବହୁତ ଡ୍ରିମି ରହିଛି, ଯାହାକୁ ଦେଖି ଫ୍ୟାନମାନେ ବହୁତ ଖୁସି ହୋଇଯାଇଛନ୍ତି ଏବଂ ଉଭୟଙ୍କୁ ଶୁଭେଚ୍ଛା ଜଣାଇବାରେ ଲାଗିଛନ୍ତି ।
କହି ରଖୁଛୁ, ଆଲିୟା ଓ ଶେନ୍ ମୁମ୍ବାଇରେ ଡିସେମ୍ବର ୧୧ରେ ବିବାହ କରିଥିଲେ । ଏହି ଗ୍ରାଣ୍ଡ ବିବାହ ଉତ୍ସବରେ ଉଭୟଙ୍କ ପରିବାର ସଦସ୍ୟ, ଘନିଷ୍ଠ ସମ୍ପର୍କୀୟ, ବନ୍ଧୁଙ୍କ ସହ ଇଣ୍ଡଷ୍ଟ୍ରୀର ଅନେକ ଲୋକ ସାମିଲ ହୋଇଥିଲେ । ଉଭୟଙ୍କ ବିବାହର ଫଟୋଗୁଡ଼ିକ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲା । ଦୁହେଁ ଅନେକ ଦିନରୁ ପରସ୍ପରକୁ ଡେଟ୍ କରୁଥିଲେ । ସେମାନେ ଏକ ଡେଟିଂ ଆପ୍ ଜରିଆରେ ପରସ୍ପରକୁ ଭେଟିଥିଲେ ଏବଂ ଲିଭ୍ ଇନ୍ ରିଲେସନରେ ଥିଲେ ।
