ଉଦଳା : ଟାୟାର ଫାଟି ଓଲଟିଲା ପିକ୍ ଅପ୍ । ୧୦ରୁ ଉର୍ଦ୍ଧ୍ବ ଆହତ । ଦୁଇ ଜଣ ଗୁରୁତର ହୋଇଥିବା ଜଣାପଡିଛି । ମୟୂରଭଞ୍ଜ ଖୁଣ୍ଟା ଥାନାର ଆରପଟା ଗାଁରେ ହୋଇଛି ଏହି ଦୁର୍ଘଟଣା । ଶ୍ରମିକଙ୍କୁ ନେଇ କପ୍ତିପଦା ଅଭିମୁଖେ ଆସୁଥିଲା ଗାଡିଟି । ଅସ୍ତିଆ ଛକ ନିକଟରେ ଟାୟାର ଫାଟି ଯିବାରୁ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା । ଦୁର୍ଘଟଣାରେ ୨ଜଣ ଗୁରୁତର ହୋଇଥିବା ବେଳେ ୧୦ରୁ ଉର୍ଦ୍ଧ୍ବ ଶ୍ରମିକ ଆହତ ହୋଇଛନ୍ତି । ସମସ୍ତଙ୍କୁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଗ୍ରସ୍ତ ଗାଡିକୁ ଜବତ କରିଛି ।
ସେହିପରି ଆଜି ଭଦ୍ରକ -ଆନନ୍ଦପୁର ରାଜ୍ୟ ରାଜପଥ ବନ୍ତ ନିକଟରେ ଦୁର୍ଘଟଣା ଘଟିଛି । ଅରୁପା ନନ୍ଦ ନାମକ ଏକ ଘରୋଇ ବସ ଭଦ୍ରକରୁ ଆନନ୍ଦପୁର ଯାଉଥିବାବେଳେ ଭାରସାମ୍ୟ ହରାଇ ବିଦ୍ୟୁତ ଖୁଣ୍ଟରେ ପିଟି ହୋଇଯାଇ ଓଲଟି ପଡିଥିଲା । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ୧୦ଜଣ ଆହତ ହୋଇଛନ୍ତି । ଆହତ ମାନଙ୍କୁ ଚିକିତ୍ସା ପାଇଁ ହସପିଟାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
