[ad_1]
ନୂଆଦିଲ୍ଲୀ: ଚର୍ଚ୍ଚାରେ ଭାରତୀୟ କ୍ରିକେଟର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି। ତାଙ୍କର ଏକ ଭିଡିଓ ଏବେ ଖୁବ ଭାଇରାଲ ହେବାରେ ଲାଗିଛି। ଭିଡିଓରେ ସେ ନିଜର ଜଣେ ବନ୍ଧୁଙ୍କ ଜନ୍ମଦିନ ପାଳନ କରିବା ପାଇଁ ତାଙ୍କ ଘରେ ପହଞ୍ଚିଥିବା ଦେଖାଯାଇଛି। ଏହି ଭିଡିଓ ଭାଇରାଲ ହେବା ପରେ ଏବେ ଲୋକେ ଧୋନିଙ୍କ ପ୍ରଶଂସା କରିବା ଆରମ୍ଭ କରିଛନ୍ତି। ଏତେ ବଡ଼ ଷ୍ଟାର ହୋଇ ମଧ୍ୟ ସେ ଯେଉଁଭଳି ନିଜ ବନ୍ଧୁମାନଙ୍କ ସହ ସାଧାରଣ ମଣିଷ ଭାବେ ମିଶୁଛନ୍ତି, ତାହା ତାଙ୍କ ପ୍ରଶଂସକଙ୍କ ମନ କଣିଛି।
ଏବେ ଇନଷ୍ଟାରେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଧୋନି ନିଜ ବନ୍ଧୁଙ୍କ ଜନ୍ମଦିନ ପାଳନ କରୁଛନ୍ତି। ଭିଡିଓରେ ଦେଖାଯାଇଛି ଯେ, ଜଣେ ଯୁବକ କେକ୍ କାଟି ଧୋନିକୁ ଦେବା ପରେ ଧୋନି ପ୍ରଥମେ ମାତାପିତାଙ୍କୁ ଦିଅ ବୋଲି କହୁଛନ୍ତି। ଏହା ପରେ ଧୋନି କେକ୍ ଖାଇବା ସହ ଅନ୍ୟଜଣକୁ ଡାକି ଜନ୍ମଦିନ ଥିବା ଯୁବକର ମୁହଁରେ କେକ୍ ଲଗାଇବା ପାଇଁ କହୁଛନ୍ତି। ତାଙ୍କର ଏହି ଭିଡିଓକୁ ଲୋକେ ପସନ୍ଦ କରିବା ସହ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି।
ଏହା ପୂର୍ବରୁ ରାଞ୍ଚିର ଜଣେ ଯୁବକଙ୍କ ବିଏମଡବ୍ଲୁ ୭୪୦ଆଇରେ ଧୋନି ଅଟୋଗ୍ରାଫ ଦେଇଥିବା ଦେଖାଯାଇଥିଲା। ଯୁବକ ବିଏମଡବ୍ଲୁ ୭୪୦ଆଇ କିଣିଥିବା ବେଳେ ଧୋନିଙ୍କୁ ଅଟୋଗ୍ରାଫ ଦେବାକୁ ଅନୁରୋଧ କରିଥିଲେ। ଅନୁରୋଧ ରଖି ଧୋନି ତାଙ୍କ କାରରେ ଅଟୋଗ୍ରାଫ ଦେବାର ଭିଡିଓ ସମସ୍ତଙ୍କ ମନ କିଣିଥିଲା।
[ad_2]
