[ad_1]
ନୂଆଦିଲ୍ଳୀ: ଏସିଆ କପ୍-୨୦୨୩ର ଫାଇନାଲ୍ ମୁକାବିଲାରେ ଭାରତ ଶ୍ରୀଲଙ୍କା ବିରୋଧରେ ୧୦ ଓ୍କିକେଟ୍ରେ ବିଜୟୀ ହୋଇଛି। ଏହି ମ୍ୟା,ଚ୍ରେ ଭାରତୀୟ ଟିମ୍କୁ ସମର୍ଥନ ଦେବାକୁ ଷ୍ଟାଡିୟମ୍କୁ ଆସିଥିଲେ ଜଣେ ପାକିସ୍ତାନୀ ମହିଳା ପ୍ରଶଂସକ। ପ୍ରଶଂସିକା ଜଣକ କ୍ରିକେଟର୍ ଶୁଭମନ ଗିଲ୍ଙ୍କ ସହ ଫଟୋ ବି କ୍ଲିକ୍ କରିଛନ୍ତି।
ଶୁଭମନଙ୍କର ଏହି ପାକିସ୍ତାନୀ ପ୍ରଶଂସିକା ଜଣକ ତାଙ୍କ ପ୍ରଦର୍ଶନକୁ ନେଇ ବେଶ୍ ଖୁସି ଅଛନ୍ତି। ସେହି ମହିଳା ଫ୍ୟାନ୍ ଜଣଙ୍କ ଏବେ ଗିଲ୍ଙ୍କୁ ଉଦ୍ଦେଶ୍ୟରେ ଏକ ଭିିଡିଓ ପୋଷ୍ଟ୍ କରିଛନ୍ତି। ସେ ଭିଡିଓ ପୋଷ୍ଟ୍ କର ଲେଖିଛନ୍ତି, ‘ଗିଲ୍ ଜୀ ବହୁତ ନମ୍ର ବ୍ୟକ୍ତି ଓ ସେ ଖୁବ୍ ସୁନ୍ଦର’।
ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ, ଏହି ପାକିସ୍ତାନୀ ପ୍ରଶଂସିକାଙ୍କ ନାମ ଫିଜା ଖାନ୍। ସେ ସୋସିଆଲ୍ ମିଡିଆରେ ଖୁବ୍ ସକ୍ରିୟ ଥାଆନ୍ତି। ସେ ବର୍ତ୍ତମାନ ମୁମ୍ବାଇରେ ରହୁଛନ୍ତି।
ଫିଜାଙ୍କର ଭାରତ-ପାକିସ୍ତାନର ଗ୍ରୁପ୍ ମ୍ୟାଚ୍ ପରେ ବି ଏକ ଭିଡିଓ ଭାଇରାଲ୍ ହୋଇଥିଲା। ସେଥିରେ ସେ ବିରାଟ କୋହଲି ଶତକ ନକରିପାରିବାକୁ ନିରାଶ ହୋଇ ଯାଇଥିଲେ।
ଭାରତୀୟ ଟିମ୍ ଅଷ୍ଟମ ଥର ପାଇଁ ଏହି ଏସିହା କପ୍ ହାତେଇଛି। ଏହା ପୂର୍ବରୁ ଟିମ୍ ଇଣ୍ଡିଆ ୧୯୮୪, ୧୯୮୮, ୧୯୯୦/୯୧, ୧୯୯୫, ୨୦୧୦, ୨୦୧୬ ଓ ୨୦୧୮ରେ ଏସିଆ କପ୍ ଜିତିସାରିଛି।
ଉଲ୍ଲେଖଯୋଗ୍ୟ, ଗୋଟିଏ ଓଭରରେ ୪ ୱିକେଟ୍ ସଫଳତା ସହିତ ମହମ୍ମଦ ସିରାଜଙ୍କ ତୋଫାନୀ ବୋଲିଂ (୭-୧-୨୧-୬) ବଳରେ ଭାରତ ଅଷ୍ଟମ ଥର ଏସିଆ କପ୍ର ବିଜେତା ହୋଇଛି। ଘରୋଇ ଶ୍ରୀଲଙ୍କାକୁ ଏକତରଫା ଭାବେ ଫାଇନାଲ୍ରେ ୧୦ ୱିକେଟ୍ରେ ପରାସ୍ତ କରି ଭାରତ ଏହି ସଫଳତା ପାଇଛି।
[ad_2]
