ନିମାପଡ଼ା,(ସନ୍ତୋଷ ଦାଶ):ନିମାପଡା ବ୍ଲକ ତୁଳସୀପୁର ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଥିବା ତ୍ରିନାଥ ଦେବ ଙ୍କ ବାର୍ଷିକୋତ୍ସବ ପବିତ୍ର କୁମାର ପୂର୍ଣ୍ଣିମା ଅବସରରେ ଅନୁଷ୍ଠିତ ହୋଇଥିଲା। କର୍ତ୍ତା ଭାବେ ବିଜୟ ସାହୁ କାର୍ଯ୍ୟ କରିଥିବା ବେଳେ ପୁରୋହିତ ସହଦେବ ମିଶ୍ର ଯଜ୍ଞ କରିଥିଲେ। ପୂଜକ ଭାବେ ସନ୍ତୋଷ କୁମାର ଦାଶ ଠାକୁର ଙ୍କ ପୂଜା ନୀତି ସମ୍ପାଦନ କରିଥିବା ବେଳେ ଦେବୀ ପ୍ରସାଦ ତ୍ରିପାଠୀ ଓ ମହେଶ ମହାପାତ୍ର ତାଙ୍କୁ ସାହାଯ୍ୟ ସହଯୋଗ କରିଥିଲେ।
ସନ୍ଧ୍ୟା ରେ ସାଂସ୍କୃତିକ କାର୍ଯ୍ୟକ୍ରମ ଭଜନ ପରିବେଷଣ କରାଯାଇଥିଲା। ଗ୍ରାମ ର ନବଘନ ସାହୁ,ସୁରେନ୍ଦ୍ର ଭୋଇ, ବେଣୁଧର ଭୋଇ, ନରେନ୍ଦ୍ର ବାରିକ, ରଘୁ ବେହେରା ପ୍ରମୁଖ ଙ୍କ ତତ୍ତ୍ଵାବଧାନରେଠାକୁର ଙ୍କ ପୂଜା, ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
