ଉତ୍କଳ ବିଶ୍ବବିଦ୍ୟାଳୟର ସମାବର୍ତ୍ତନ ଉତ୍ସବ: ସମାରୋହରେ ଯୋଗଦେଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ – bajravana
[ad_1]
ଭୁବନେଶ୍ବର: ଦୀର୍ଘ ସମୟର ଅପେକ୍ଷାରେ ଅନ୍ତ ଘଟିଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଉତ୍କଳ ବିଶ୍ବବିଦ୍ୟାଳୟର ୫୩ତମ ସମାବର୍ତ୍ତନ ଉତ୍ସବରେ ଯୋଗ ଦେଇଛନ୍ତି। ବିଶ୍ବବିଦ୍ୟାଳୟ ଦୀକ୍ଷାନ୍ତ ଭବନରେ ଅନୁଷ୍ଠିତ ହେବାକୁ ଥିବା ଉତ୍ସବରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମୁଖ୍ୟ ଅତିଥି ଭାବେ ଯୋଗଦେଇ ଦୀକ୍ଷାନ୍ତ ଅଭିଭାଷଣ ପ୍ରଦାନ କରିବେ। ବିଶ୍ୱବିଦ୍ୟାଳୟ କୁଳାଧିପତି ତଥା ରାଜ୍ୟପାଳ ରଘୁବର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଉତ୍ସବରେ ରାଜ୍ୟ ଉଚ୍ଚଶିକ୍ଷା ମନ୍ତ୍ରୀ ଅତନୁ ସବ୍ୟସାଚୀ ନାୟକ ସମ୍ମାନିତ ଅତିଥି ଭାବେ ଯୋଗଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉତ୍କଳ ବିଶ୍ବବିଦ୍ୟାଳୟ କ୍ୟାମ୍ପସରେ ରାଷ୍ଟ୍ରପତିଙ୍କ ଗୋଟିଏ ଘଣ୍ଟାର କାର୍ଯ୍ୟକ୍ରମ ରହିଛି। ସନ୍ଧ୍ୟା ୫ଟା ୨୦ରେ ଭୁବନେଶ୍ବର ବିମାନବନ୍ଦରରେ ପହଞ୍ଚିବା ପରେ ସେଠାରୁ ସିଧାସଳଖ ବାଣୀବିହାର ଅଭିମୁଖେ ଆସିଥିଲେ। ଉତ୍କଳ ବିଶ୍ବବିଦ୍ୟାଳୟରେ ପହଞ୍ଚିବା ପରେ ଜାତୀୟ ସଙ୍ଗୀତ ପରିବେଷଣ କରାଯାଇଥିଲା। ବିଶ୍ବବିଦ୍ୟାଳୟ କୁଳାଧିପତି ତଥା ରାଜ୍ୟପାଳ ଶ୍ରୀ ଦାସ ସମାବର୍ତ୍ତନ ଉତ୍ସବ ସମ୍ପର୍କରେ ଘୋଷଣା କରିଥିଲେ। କୁଳପତି ପ୍ରଫେସର ଆଚାର୍ଯ୍ୟ ସ୍ବାଗତ ଭାଷଣ ଦେବେ। କୁଳାଧିପତି ଶ୍ରୀ ଦାସ ୧୬୬ଜଣଙ୍କୁ ପିଏଚ୍ଡି/ଡିଲିଟ୍ ଡିଗ୍ରି ପ୍ରଦାନ କରିବେ। ରାଷ୍ଟ୍ରପତି ୩ଜଣଙ୍କୁ ସମ୍ମାନସୂଚକ ଡକ୍ଟରେଟ୍ ସହ ୧୦ଜଣଙ୍କୁ ସ୍ବର୍ଣ୍ଣ ପଦକ ପ୍ରଦାନ କରିବେ। କାର୍ଯ୍ୟକ୍ରମ ଶେଷରେ ରାଷ୍ଟ୍ରପତି ଉତ୍କଳ ବିଶ୍ବବିଦ୍ୟାଳୟ କ୍ୟାମ୍ପସ ଛାଡ଼ି ରାଜଭବନ ଅଭିମୁଖେ ଯିବେ।
କ୍ୟାମ୍ପସକୁ ରାଷ୍ଟ୍ରପତିଙ୍କ ପ୍ରଥମ ଗସ୍ତ ହୋଇଥିବାରୁ ବ୍ୟାପକ ବ୍ୟବସ୍ଥା ହୋଇଛି। ପ୍ରବେଶ ପଥଠାରୁ ଦୀକ୍ଷାନ୍ତ ଭବନ ପର୍ଯ୍ୟନ୍ତ ରାସ୍ତା ଓ ପ୍ରଶାସନିକ ଭବନକୁ ଆଲୋକମାଳାରେ ସୁସଜ୍ଜିତ କରାଯାଇଛି। ଦୀକ୍ଷାନ୍ତ ଭବନର କାନ୍ଥକୁ ବି ଆଲୋକୀକରଣ କରାଯାଇଛି। ପ୍ରଶାସନିକ ଭବନଠାରୁ ଦୀକ୍ଷାନ୍ତ ଭବନ ପର୍ଯ୍ୟନ୍ତ ଯିବା ପାଇଁ ସ୍ବତନ୍ତ୍ର କରିଡର ହୋଇଛି। ପାଖାପାଖି ଏକ ହଜାର ବ୍ୟକ୍ତିବିଶେଷ ସମାବର୍ତ୍ତନ ଉତ୍ସବରେ ଯୋଗଦେବେ। କ୍ୟାମ୍ପସରେ ଥିବା ପ୍ରେକ୍ଷାଳୟରେ ବଡ଼ ଏଲ୍ଇଡି ଲଗାଯାଇ ସେଥିରେ ସମାବର୍ତ୍ତନ ଉତ୍ସବର ସିଧାପ୍ରସାରଣ କରାଯିବାକୁ ଯୋଜନା ପ୍ରସ୍ତୁତ ହୋଇଛି।
ରାଷ୍ଟ୍ରପତି ଶ୍ରୀମତୀ ମୁର୍ମୁ ଆଜି ତାଙ୍କର ୪ଦିନିଆ ଗସ୍ତର ଦ୍ବିତୀୟ ଦିନରେ ମୟୂରଭଂଜ ଜିଲ୍ଲା ମହୁଲଡିହା ନିବାସରୁ ୯ଟା ୪୦ରେ ବାହାରିଥିଲେ। ଦାଣ୍ଡବୋସ ହେଲିପ୍ୟାଡରୁ ହେଲିକପ୍ଟରରେ ବାହାରି କେନ୍ଦୁଝର ଜିଲ୍ଲା ରାଇସୁଆସ୍ଥିତ ହେଲିପ୍ୟାଡରେ ଅବତରଣ କରିଥିଲେ। ଅପରାହ୍ଣରେ କେନ୍ଦୁଝର ଜିଲ୍ଲା କଳଦୀବାଡ଼ି ଗ୍ରାମରେ ପିଭିଟିଜିଙ୍କୁ ଭେଟିଥିଲେ। ଅପରାହ୍ଣରେ କେନ୍ଦୁଝରସ୍ଥିତ ଧରଣୀଧର ବିଶ୍ବବିଦ୍ୟାଳୟର ନର୍ଥ କ୍ୟାମ୍ପସରେ ଆୟୋଜିତ ନ୍ୟାସନାଲ ସେମିନାର ‘କେନ୍ଦୁଝରର ଜନଜାତି: ଲୋକ ଓ କଳା ଓ ଐତିହ୍ୟ’କୁ ସମ୍ବୋଧିତ କରିଥିଲେ।
ମହାମହିମ ଗତକାଲି (ବୁଧବାର) ଓଡ଼ିଶାରେ ପହଞ୍ଚି ଥିଲେ। ମୟୂରଭଂଜର ଖିଚିଂସ୍ଥିତ ମା’ କିଚକେଶ୍ବରୀଙ୍କୁ ଦର୍ଶନ କରିଥିଲେ। ପରେ ସେ ରାଇରଂଗପୁରସ୍ଥିତ ହୋଲିଡେ ହୋମ ପାଇଁ ଶିଳାନ୍ୟାସ କରିଥିଲେ। ଏଥି ସହିତ ଏକାଧିକ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିଥିଲେ।
[ad_2]