[ad_1]
ମାଲକାନଗିରି: ମାଲକାନଗିରିସ୍ଥିତ ସତୀଗୁଡା ଡ୍ୟାମ ରାସ୍ତାରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି। ମୃତକମାନେ ହେଲେ ବିଟୁ ବିଶ୍ବାସ(୧୯) ଏବଂ ସୁନାଧର ଚେଟିଆ(୧୯)। ଅନିଲ ଚେଟିଆ,ସଂଜୀବ ବିଶ୍ବାସ ଏବଂ ଅଭିରାମ ରାୟ ଗୁରୁତର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ସତୀଗୁଡ଼ା ଡ୍ୟାମକୁ ଯାଉଥିବା ରାସ୍ତା ଏବେ ମରାମତି କରାଯାଉ ଚକାଚକ କରାଯାଇଥିବା ବେଳେ ବାଇକ୍ ହେଉ ବା ଚାରି ଚକିଆ ଯାନ ଏହି ରାସ୍ତାରେ ଦ୍ରୁତଗତିରେ ଯିବା-ଆସିବା କରୁଛନ୍ତି। ଫଳସ୍ବରୂପ ଆଜି ଦୁର୍ଘଟଣା ଘଟି ଦୁଇ ଜଣଙ୍କର ଅକାଳରେ ଜୀବନ ଚାଲିଗଲା। ଦୁଇଟି ବାଇକ୍ ଡ୍ୟାମ ରାସ୍ତାରେ ଦ୍ରୁତଗତିରେ ଆସି ସାମ୍ନାସାମ୍ନି ଧକ୍କା ହୋଇଥିଲେ। ଫଳରେ ଘଟଣାସ୍ଥଳରେ ହିଁ ଏମଭି-୧୧୧ ଗ୍ରାମର ବିଟୁ ବିଶ୍ବାସ ଏବଂ ଛତିଶଗଡର କୁକନାର ଅଂଚଳର ସୁନାଧର ଚେଟିଆଙ୍କର ମୃ୍ତ୍ୟୁ ହୋଇଥିବା ବେଳେ ଅନିଲ ଚେଟିଆ, ସଂଜୀବ ବିଶ୍ବାସ ଏବଂ ଅଭିରାମ ରାୟ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି।
ଦୁର୍ଘଟଣା ପରେ ସ୍ଥାନୀୟ ଲୋକେ ତୁରନ୍ତ ଆମ୍ବୁଲାନ୍ସ ଯୋଗେ ସମସ୍ତଙ୍କୁ ମେଡିକାଲ ନେଇଥିଲେ। କିନ୍ତୁ ଡାକ୍ତର ଦୁଇ ଜଣଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟମାନଙ୍କ ଚିକିତ୍ସା ଚାଲିଥିବା କୁହାଯାଇଛି।
[ad_2]
