‘ବ୍ରହ୍ମାସ୍ତ୍ର’ ପାଇଁ ଦେବ ଚରିତ୍ର ପାଇଁ କଳାକାର ମିଳିଗଲେ, ଜଣେ ରଣବୀରଙ୍କ ବାପା ହେବେ ଆଉ ଜଣେ ରଣବୀର – bajravana

ମୁମ୍ବ‌ାଇ: ବହୁ ଦିନର ଦ୍ବନ୍ଦ୍ବ ଶେଷ ହୋଇଛି। ବଲିଉଡ୍‌ ଅଭିନେତା ରଣବୀର ସିଂ ‘ବ୍ରହ୍ମାସ୍ତ୍ର ୨’ରେ ଦେବ ଭୂମିକାରେ ଅଭିନୟ କରିବାକୁ ହଁ କରିଛନ୍ତି। ଏକ ବିଶେଷ ସୂତ୍ରରୁ ରଣବୀର ଫିଲ୍ମରେ ଦେବଙ୍କ ଭୂମିକାରେ ନଜର ଆସିବେ ବୋଲି ଜାଣିବାକୁ ମିଳିଛି। ରଣବୀର କପୁର ଏବଂ ଆଲିଆ ଭଟ୍ଟଙ୍କ ଅଭିନୀତ ଫିଲ୍ମ ‘ବ୍ରହ୍ମାସ୍ତ୍ର’ ଦର୍ଶକଙ୍କୁ ବେଶ୍‌ ପସନ୍ଦ ଆସିଥିଲା। ତାହାପରେ ଏହାର ଦ୍ବିତୀୟ ଭାଗ ପାଇଁ ଦର୍ଶକ ଇଚ୍ଛା ପ୍ରକଟ କରିଥିଲେ। ଏବେ ଜାଣିବାକୁ ମିଳିଛି ଯେ ଦିତ୍ବୀୟ ଭାଗରେ ଅଭିନେତା ରଣବୀର ସିଂହଙ୍କୁ ଦେଖିବାକୁ ମିଳିବ, ତାହା ପୁଣି ଶିବା (ରଣବୀର କପୁର)ଙ୍କ ବାପାଙ୍କ ଭୂମିକାରେ।

ସିନେମାରେ ଅମିତାଭ ବଚ୍ଚନ, ନାଗାର୍ଜୁନ ଏବଂ ମୌନୀ ରୟ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି ଚଳଚ୍ଚିତ୍ରଟିକୁ ବହୁତ ଭଲପାଇବା ମିଳିଥିଲା। ଏହା ୨୦୨୨ର ସବୁଠାରୁ ଅଧିକ ଆୟ କରିଥିବା ଫିଲ୍ମ ପାଲଟିଥିଲା। ଏପରିକି ଶାହାରୁଖ ଖାନ ମଧ୍ୟ ଏହି ଫିଲ୍ମ ସହ ଜଡ଼ିତ ଥିଲେ।

ଏସବୁ ମଧ୍ୟରେ ଶିବଙ୍କ ପିତା ଦେବଙ୍କ ଭୂମିକାରେ କିଏ ଅଭିନୟ କରିବେ ସେ ବିଷୟରେ ଜାଣିବା ପାଇଁ ସମସ୍ତେ ଆଗ୍ରହୀ ଥିଲେ। ଏବେ ସେହି ଦ୍ବନ୍ଦ୍ବର ଅନ୍ତଃ ଘଟିଛି। ଦେବଙ୍କ ଭୂମିକା ପାଇଁ ହ୍ରିତିକ ରୋଶନଙ୍କଠାରୁ ଆରମ୍ଭ କରି କନ୍ନଡ ତାରକା ୟଶ ଏବଂ ରଣବୀର ସିଂଙ୍କ ନାମ ପ୍ରଶଂସକମାନେ ପରାମର୍ଶ ଦେଉଥିଲେ। ଦେବଙ୍କ ଭୂମିକାରେ ଅଭିନୟ କରିବାକୁ ରଣବୀର ସିଂହଙ୍କୁ ବଛା ଯାଇଥିବା ସୂଚନା ରହିଛି। ଏହି ପ୍ରସ୍ତାବ ଗ୍ରହଣ କରି ଚୁକ୍ତିରେ ସେ ସ୍ବାକ୍ଷର ମଧ୍ୟ କରିସାରିଛନ୍ତି ବୋଲି ଚର୍ଚ୍ଚା ହେଉଛି।