[ad_1]
ମୁମ୍ବାଇ: ଆଜିକାଲି ଅନେକ ବଡ଼ ବଡ଼ ଚଳଚ୍ଚିତ୍ରକୁ ନେଇ ଜବରଦସ୍ତ ଆଲୋଚନା ହେଉଛି। ଅନେକ ଚଳଚ୍ଚିତ୍ରର ସୁଟିଂ ଚାଲିଛି ଏବଂ ଅନେକ ରିଲିଜ୍ ପାଇଁ ପ୍ରସ୍ତୁତ ହୋଇସାରିଛି। ଏ ମଧ୍ୟରେ ବଲିଉଡ ଅଭିନେତା ରଣବୀର କପୁର ଓ ରଶ୍ମିକା ମନ୍ଦନାଙ୍କ ଏକ ଫଟୋ ଭାଇରାଲ ହେବାରେ ଲାଗିଛି। ଭାଇରାଲ ଫଟୋରେ ଉଭୟ ପରସ୍ପରକୁ ଚୁମ୍ବନ ଦେଉଥିବା ଦେଖାଯାଇଛି। ବିମାନରେ ବସିଥିବା ବେଳେ ଉଭୟ ଚୁମ୍ବନ ଦେଉଥିବା ଦେଖିବାକୁ ମିଳିଛି। ତେବେ ଭାଇରାଲ ହେଉଥିବା ଫଟୋଟି ହେଉଛି ଫିଲ୍ମ ‘ଆନିମଲ’ର। ଏହାର ଟିଜର ସାମ୍ନାକୁ ଆସିସାରିଥିବା ବେଳେ ଫିଲ୍ମ ରିଲିଜକୁ ଅପେକ୍ଷା କରିଛନ୍ତି ଦର୍ଶକ।
ଏମଧ୍ୟରେ ଦର୍ଶକଙ୍କ ଉତ୍ସାହ ବଢ଼ାଇବା ପାଇଁ ରଶ୍ମିକା, ରଣବୀରଙ୍କ ସହ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ପରସ୍ପରକୁ ଚୁମ୍ବନ ଦେଉଛନ୍ତି। ଏହି ଫଟୋ ସେୟାର କରି ଫିଲ୍ମରେ ଥିବା ଗୀତ ‘ହୁଆ ମେଁ’ ଆସନ୍ତାକାଲି ରିଲିଜ୍ ହେବ ବୋଲି ସୂଚନା ଦେଇଛନ୍ତି ଅଭିନେତ୍ରୀ।
ତେବେ ଏହି ଚଳଚ୍ଚିତ୍ରଟି ଡିସେମ୍ବର ୧ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ଯେଉଁଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ। ଟିଜର ପୂର୍ବରୁ ଫିଲ୍ମକୁ ନେଇ ଦର୍ଶକଙ୍କ ମନରେ ଯେତିକି ଉତ୍କଣ୍ଠା ଥିଲା ଟିଜର ରିଲିଜ୍ ପରେ ଏହା ଆହୁରି ବଢ଼ିଛି। ଫିଲ୍ମଟି ବ୍ଲକବଷ୍ଟର ହେବ ବୋଲି ଲୋକେ କହିବା ଆରମ୍ଭ କରିଛନ୍ତି।
[ad_2]
