ବଲିଉଡ଼ ଷ୍ଟାର ବରୁଣ ଧଓ୍ଵନ୍ ଗତ ଦୁଇ ବର୍ଷ ହେବ ନିଜର ବ୍ୟକ୍ତିଗତ ଜୀବନକୁ ନେଇ ଅଧିକ ଚର୍ଚ୍ଚିତ ହେଉଛନ୍ତି । ବରୁଣ ଧଓ୍ଵନଙ୍କର ଗଲଫେଣ୍ଡ ହେଲେ ନତାଶା ଦଲାଲ । ସେ ଦୁହେଁ ଅନେକ ସମୟରେ ହାତ ଧରାଧରି ହୋଇ ଯାଉଥିବାର ବି ଦେଖିବାକୁ ପାଇଛନ୍ତି ସିନେପ୍ରେମୀ । ଖାଲି ସେତିକି ନୁହେଁ ଏହି ପ୍ରେମୀ ଯୁଗଳ ଅନେକ ସମୟରେ ସମୟ କାଟୁଥିବାର ଖବର ବି ମିଳିଛି। ତେବେ ବରୁଣ ଏପର୍ଯ୍ୟନ୍ତ ନତାଶାଙ୍କ ସହିତ ତାଙ୍କ ପ୍ରେମ ସଂପର୍କ ବିଷୟରେ କିଛି ମନ୍ତବ୍ୟ ଦେଇନାହାନ୍ତି ।
ଏବର୍ଷ ବରୁଣ ତାଙ୍କ ପ୍ରେମିକା ନତାଶାଙ୍କୁ ବିବାହ କରିବେ ବୋଲି ଜୋର ସୋରରେ ଚର୍ଚ୍ଚା ହେଉଛି। ଏଥିରେ କେତେ ସତ୍ୟତା ଅଛି , ସେ ସଂପର୍କରେ ଆସନ୍ତୁ ଜାଣିବା ଅଭିନେତା ବରୁଣ ଧଓ୍ଵନ୍ କ’ଣ କହୁଛନ୍ତି। ।
ବଲିଉଡର ହାର୍ଟଥ୍ରୋବ୍ ବରୁଣ ଧଓ୍ଵନ୍ କହିଛନ୍ତି , ନତାଶା ଜଣେ ସାଧାରଣ ଯୁବତୀ । ସେ ସାଧାରଣ ଜୀବନଯାପନ କରିବା ପାଇଁ ପସନ୍ଦ କରନ୍ତି । ନତାଶାଙ୍କ ସୁରକ୍ଷା କରିବା ମୋ ଦାୟିତ୍ୱ । ସେ ତାଙ୍କର ଏବଂ ନତାଶାଙ୍କ ସହ ତାଙ୍କ ପ୍ରେମ ସଂପର୍କ ବିଷୟରେ ମିଡ଼ିଆରେ କିଛି କହିବା ପାଇଁ ଚାହାନ୍ତି ନାହିଁ । ଏହା ସହ ବରୁଣ କହିଛନ୍ତି ଯେ ତାଙ୍କର ବିବାହ ଉପରେ ବିଶ୍ୱାସ ରହିଛି। ଏଥିପାଇଁ ଏକ ସଠିକ ସମୟ ଏବଂ ତାରିଖର ଆବଶ୍ୟକତା ରହିଛି। ଏଥିପାଇଁ ଫିଲିଂ ବହୁତ ଜରୁରୀ ବୋଲି ସେ କହିଛନ୍ତି।
