[ad_1]
ଭୁବନେଶ୍ୱର, ୧୦/୦୯ : ଅନୁଗୁଳ ଜିଲ୍ଲାରେ ଅବକାରୀ ଅଧିକାରୀମାନେ ଉତ୍ପାଦନକାରୀ ୟୁନିଟକୁ ଠାବ କରି ୨ ଜଣଙ୍କୁ ଗିରଫ କରିଛନ୍ତି । ମେଡ୍ ଇନ୍ ଭାରତ ନିର୍ମିତ ବିଦେଶୀ ମଦ (ନକଲି) ପରିବହନ ସମ୍ପର୍କରେ ବିଶ୍ୱସ୍ତ ସୂତ୍ରରୁ ସୂଚନା ମିଳିବା ପରେ ଅବକାରୀ ବିଭାଗ ପକ୍ଷରୁ ଉକ୍ତ ଦିନ ଜିଲ୍ଲାର ଛେଣ୍ଡିପଦା ଥାନା ଅନ୍ତର୍ଗତ ମାଛକୁଟା ଗ୍ରାମ ନିକଟରେ ଗାଡ଼ି ଯାଞ୍ଚ କରାଯାଇଥିଲା। ଗୋଟିଏ ଭ୍ୟାନରେ ତିନୋଟି ବିଶାଳ ପ୍ଲାଷ୍ଟିକ କଣ୍ଟେନରରେ ରଖାଯାଇଥିବା ଦେଶୀ ମଦ ଏବଂ ବ୍ୟାଗରେ ବିପୁଳ ପରିମାଣର ଖାଲି ଆଇଏମ୍ଏଫ୍ଏଲ୍ ବୋତଲ ଓ ଟୋପି ଦେଖିବାକୁ ପାଇଥିଲେ । ଢେଙ୍କାନାଳ ଜିଲ୍ଲା ମାଛକୁଟାର ଟିକୁ ବେହେରା ଓ ଗୋଡିଡିହା ଗାଁର ବିପିନ ସାହୁ ନାମକ ଏହି ଦୁଇ ବ୍ୟକ୍ତି ବାହାର ରାଜ୍ୟରୁ ଖାଲି ଆଇଏମ୍ଏଫ୍ଏଲ୍ ବୋତଲ ଓ ଟୋପି କିଣୁଥିଲେ। ସେମାନେ ଦେଶୀ ମଦରେ କିଛି ରାସାୟନିକ ରଙ୍ଗ ମିଶାଇ ଆଇଏମଏଫ୍ଏଲ୍ ବୋତଲରେ ବଟଲିଂ କରୁଥିଲେ। ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।
[ad_2]
