[ad_1]
ରାଇରଙ୍ଗପୁର: ମୟୂରଭଂଜ ଜିଲ୍ଲା ରାଇରଂଗପୁର ଅଞ୍ଚଳରେ ଦିବ୍ୟାଙ୍ଗ ଯୁବତୀଙ୍କୁ ଦୂଷ୍କର୍ମ ଅଭିଯୋଗରେ ୨ ଜଣ ଅଭିଯୁକ୍ତ ଗିରଫ ହୋଇଛନ୍ତି। ଗିରଫ ଅଭିଯୁକ୍ତମାନେ ହେଲେ କେଦାର ବାନରା(୫୮) ଏବଂ ଲଛମନ୍ ପିଙ୍ଗୁଆ(୨୭)।
ସୂଚନା ଅନୁସାରେ ଗତ ମାସରେ ମୟୂୂରଭଂଜ ଜିଲ୍ଲା ଜାମଦା ଥାନା ଅଂଚଳର ଦୁଇଜଣ ଖାକି ପୋଷାକଧାରୀଙ୍କୁ ଦୁଷ୍କର୍ମ ଅଭିଯୋଗରେ କୋର୍ଟ ଚାଲାଣ କରାଯାଇଥିବା ଘଟଣା ନ ଥମୁଣୁ ପୁଣି ଏକ ଜଣେ ଦିବ୍ୟାଙ୍କ ଯୁବତୀଙ୍କୁ ଦୁଷ୍କର୍ମ କରିଥିବା ନେଇ ଥାନାରେ ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ ଜାମଦା ଥାନା ଅଂଚଳର ଜଣେ ୧୯ ବର୍ଷିୟା ଦିବ୍ୟାଙ୍ଗ ଯୁବତୀ ସନ୍ଧ୍ୟା ସମୟରେ ଶୌଚ ପାଇଁ ଘର ପାଖ ପଡ଼ିଆକୁ ଯାଇଥିବା ସମୟରେ ଜାମଦା ପଞ୍ଚାୟତର ବାନ୍ଦୁଦୁମା ଗ୍ରାମର ଆସରାମ୍ ବାନରାଙ୍କ ପୁଅ କେଦାର ବାନରା ଏବଂ ସାଲଖୂ ପିଙ୍ଗୁଆଙ୍କ ପୁଅ ଲଛମନ୍ ପିଙ୍ଗୁଆ ଏକୁଟିଆ ପାଇ ଦୁଷ୍କର୍ମ କରିଥିଲେ। ଏନେଇ ଯୁବତୀ ଜଣକ ପରିବାର ଲୋକଙ୍କୁ ଜଣାଇବା ପରେ ଜାମଦା ଥାନାରେ ଲିଖିତ ଅଭିଯୋଗ ହୋଇଛି। ପୁଲିସ ମାମଲା ରୁଜୁ କରି ୨ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
[ad_2]
