[ad_1]
ମୁମ୍ବାଇ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆମ୍ ଆଦମୀ ପାର୍ଟି ନେତା ରାଘବ ଚଢ଼ା ଚଳିତ ବର୍ଷ ମେ’ ମାସରେ ନିର୍ବନ୍ଧ କରିଥିଲେ। ନିର୍ବନ୍ଧ ପରଠାରୁ ଦୁହେଁ ବେଶ୍ ଚର୍ଚ୍ଚାରେ ରହିଛନ୍ତି। ନିକଟରେ ଦୁହିଁଙ୍କୁ ବସ୍ରେ ଯାଉଥିବାର ଦେଖିବାକୁ ମିିଳିଛି। ସେ ଦୁହିଁଙ୍କୁ ବସ୍ରେ ଦେଖିବା ପରେ ପ୍ରଶଂସକମାନେ ସେମାନଙ୍କ ଫଟୋ ଉଠାଇବା ଆରମ୍ଭ କରି ଦେଇଥିଲେ। ଏହି ଲଭବାର୍ଡ ସେମାନଙ୍କ ପ୍ରଶଂସକଙ୍କୁ ନିରାଶ ନକରି ଫଟୋ ପୋଜ୍ ବି ଦେଇଥିବା ଦେଖିବାକୁ ମିଳିଛି।
ରାଘବ ଓ ପରୀ ବସ୍ରେ ଯାଉଥିବା ବେଳେ ସେମାନଙ୍କର ଏକ ନୂଆ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ଭାଇରାଲ୍ ଭିଡିଓରେ ଦୁହେଁ ବସ୍ରେ ଛିଡ଼ା ହୋଇଥିବା ବେଳେ ସେମାନଙ୍କ ସହ ଜଣେ ପରେ ଜଣେ ଆସି ଫଟୋ ଉଠାଉଛନ୍ତି। ପରୀ ବି ଖୁବ୍ କୌତୂକିଆ ଢଙ୍ଗରେ ‘ଥ୍ୟାଙ୍କ୍ ୟୁ’ ବୋଲି କହୁଛନ୍ତି।
ପରିଣୀତି ଏକ ହଳଦିଆ ରଂଗର ସୁଟ୍ ପିନ୍ଧିଥିବା ବେଳେ ଧଳା ରଂଗର କୁର୍ତ୍ତା ପାଇଜାମା ଉପରେ ଜ୍ୟାକେଟ୍ ପରିଧାନ କରିଛନ୍ତି ରାଘବ। ଦୁହିଁଙ୍କ ସାଧାପଣ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। ଦୁହିଁଙ୍କ ଉତ୍ତମ ବ୍ୟବହାର ସୋସିଆଲ୍ ମିଡିଆ ବ୍ୟବହାରକାରୀଙ୍କ ମନ କିଣି ନେଇଛି।
ନିର୍ବନ୍ଧ ପରଠାରୁ ଦୁହିଁଙ୍କ ବିବାହ କେବେ ହେବ ସେନେଇ ଚର୍ଚ୍ଚା ଚାଲିଥିଲା। ହେଲେ ଏବେ ଦୁହିଁଙ୍କ ପ୍ରଶଂସକଙ୍କ ଅପେକ୍ଷାର ଅନ୍ତ ଘଟିଛି। କୁହାଯାଉଛି ଯେ, ପରିଣୀତି ଓ ରାଘବ ଚଳିତ ବର୍ଷ ସେପ୍ଟେମ୍ବରରେ ବିବାହ କରିବେ। ସେପ୍ଟେମ୍ବରରେ ୨୩ରେ ମଙ୍ଗନ ଓ ୨୪ରେ ଦୁହେଁ ବିବାହ ବନ୍ଧନରେ ବାନ୍ଧି ହେବା ପାଇଁ ଧାର୍ଯ୍ୟ କରିଥିବା ଜଣାପଡ଼ିଛି। ଭଉଣୀ ତଥା ଲୋକପ୍ରିୟ ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନସଙ୍କ ଭଳି ପରିଣୀତି ମଧ୍ୟ ରାଜସ୍ଥାନ ଉଦୟପୁରରେ ବିବାହ କରିବେ।
[ad_2]
