ବୌଦ୍ଧ,୭।୧୧ : ବାଇକ୍ କୁ ଧକ୍କା ଦେଲା ଓଏସଆରଟିସି ବସ୍ । ଘଟଣା ସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛି। ଗୁରୁତରଙ୍କୁ ସଙ୍କଟାପନ୍ନ ଅବସ୍ଥାରେ ବଲାଙ୍ଗୀର ମେଡିକାଲ ସ୍ଥାନାନ୍ତର କରାଯାଇଛି। କଣ୍ଟାମାଳ ଥାନା ଅଇଁଲାଚୁଆଁ ଛକ ନିକଟରେ ଦୁର୍ଘଟଣା ଘଟିଛି।
ସୂଚନା ଅନୁଯାୟୀ କଣ୍ଟାମାଳ ଠାରୁ ପୁରୀ ଅଭିମୁଖେ ଯାଉଥିବା ଓଏସଆରଟିସି ବସ୍ ଟି କଣ୍ଟାମାଳ ଥାନା ଅଇଁଲାଚୁଆଁ ଛକ ନିକଟରେ ଏକ ବାଇକ୍ କୁ ଧକ୍କା ଦେଇଥିଲା।
ଫଳରେ ବାଇକ୍ ରେ ଥିବା ଦୁଇଜଣ ବାଇକ୍ ଆରୋହୀଙ୍କ ମଧ୍ୟରୁ ଘଟଣା ସ୍ଥଳରେ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଥିଲେ। ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି କଣ୍ଟାମାଳ ମେଡିକାଲ ରେ ଭର୍ତ୍ତି କରିଥିଲେ । ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବଲାଙ୍ଗୀର ମେଡିକାଲ କୁ ସ୍ଥାନାନ୍ତର କରାଯାଇଛି। ଉଭୟ ଙ୍କ ପରିଚୟ ମିଳିପାରିନାହିଁ । ସେପଟେ ଘଟଣା ସ୍ଥଳରେ କଣ୍ଟାମାଳ ପୋଲିସ ପହଞ୍ଚି ତଦନ୍ତ ଜାରି ରଖିଥିବା ବେଳେ ଗାଡ଼ି କୁ ଜବତ କରି ଡ୍ରାଇଭର ଏବଂ କର୍ମଚାରୀଙ୍କୁ ଅଟକ ରଖିଛି।
