[ad_1]
ବେଙ୍ଗାଲୁରୁ: ସାଉଥ ସୁପରଷ୍ଟାର ରଜନୀକାନ୍ତ ଏବେ ତାଙ୍କ ଫିଲ୍ମ ‘ଜେଲର’ର ସଫଳତାକୁ ନେଇ ବେଶ ଖୁସି ଅଛନ୍ତି | ଏହି ଫିଲ୍ମ ବକ୍ସ ଅଫିସରେ ଜୋରଦାର ଆୟ କରୁଥିବାବେଳେ ନିକଟରେ ଅଭିନେତା ବାଙ୍ଗାଲୋର ମହାନଗର ନିଗମର ବସ ପରିବହନ ଅଫିସରେ ପହଞ୍ଚି ତାଙ୍କ ପ୍ରଶଂସକଙ୍କୁ ଭେଟି ସେମାନଙ୍କ ପ୍ରେମ ପାଇଁ ଧନ୍ୟବାଦ ଦେଇଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି | ବାସ୍ତବରେ ପ୍ରଶଂସକମାନେ ରଜନୀକାନ୍ତଙ୍କୁ ଅନୁରୋଧ କରିଥିଲେ ଯେ, ସେମାନଙ୍କୁ କିଛି ସମୟ ଦିଆଯାଉ, ଯାହାଦ୍ୱାରା ରଜନୀଙ୍କୁ ଭେଟିପାରିବେ | ତେବେ ପ୍ରଶଂସକଙ୍କ ଅନୁରୋଧକୁ ରକ୍ଷା କରି ରଜନୀକାନ୍ତ ବସଷ୍ଟାଣ୍ଡରେ ପହଞ୍ଚିଯାଇଥିଲେ |
#WATCH | Superstar Rajinikanth paid a surprise visit to depot number 4 of BMTC (Bengaluru Metropolitan Transport Corporation) in Bengaluru, Karnataka today.
(Video Source: BMTC) pic.twitter.com/luzdpkdnNh
— ANI (@ANI) August 29, 2023
ଆଉ ନିଜ ପ୍ରିୟ ତାରକାଙ୍କୁ ପାଖରେ ପାଇ ପ୍ରଶଂସକ ବି ବେଶ ଖୁସି ହୋଇଯାଇଥିଲେ | ସୁପରଷ୍ଟାର ରଜନୀକାନ୍ତ କର୍ଣ୍ଣାଟକର ବେଙ୍ଗାଲୁରୁରେ ବିଏମଟିସି (ବେଙ୍ଗାଲୁରୁ ମହାନଗର ନିଗମ ପରିବହନ ନିଗମ) ଡିପୋରେ ପହଞ୍ଚିଥିଲେ । ଆଉ ସେଠାରେ ଥିବା ବସ କର୍ମଚାରୀମାନେ ଅଭିନେତାଙ୍କୁ ଦେଖି ଖୁସିରେ ଆତ୍ମବିଭୋର ହୋଇଯାଇଥିଲେ | ସେମାନେ ରଜନୀଙ୍କ ପାଦ ମଧ୍ୟ ସ୍ପର୍ଶ କରୁଥିବା ଦେଖିବାକୁ ମିଳିଥିଲା | ଭିଡିଓରେ ରଜନୀକାନ୍ତ ଧଳା ଲୁଙ୍ଗି ଏବଂ କୁର୍ତ୍ତା ପିନ୍ଧି ବହୁତ ଖୁସି ଦେଖାଯାଉଛନ୍ତି।
ଫିଲ୍ମ ‘ଜେଲର’ ବିଷୟରେ କହିବାକୁ ଗଲେ ରଜନୀକାନ୍ତଙ୍କ ଫିଲ୍ମ ବକ୍ସ ଅଫିସରେ ଚମତ୍କାର ପ୍ରଦର୍ଶନ କରୁଛି। ଏହି ଚଳଚ୍ଚିତ୍ର ଭାରତରେ ୫୦୦ କୋଟି ଟଙ୍କା ଆୟ କରିଥିବାବେଳେ ରଜନୀକାନ୍ତ ଫିଲ୍ମ ‘ଜେଲର’ରେ ଟାଇଗର ମୁଥୁଭେଲ ପାଣ୍ଡିଆନ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରରେ ବିନୟକନ୍, ରାମିଆ କୃଷ୍ଣନ୍ ଏବଂ ବସନ୍ତ ରବି ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଦର୍ଶକ ଏହି ଫିଲ୍ମକୁ ବହୁତ ପସନ୍ଦ କରୁଛନ୍ତି। ଏହି ଚଳଚ୍ଚିତ୍ରଟି ୧୦ ଅଗଷ୍ଟରେ ମୁକ୍ତିଲାଭ କରିଥିଲା | ଯାହା ଏପର୍ଯ୍ୟନ୍ତ ପ୍ରେକ୍ଷାଳୟରେ ଧୁମ ମଚାଉଛି |
[ad_2]
