[ad_1]
ପୂର୍ବତନ ଅଲରାଉଣ୍ଡର ଯୁବରାଜ ସିଂହ ତାଙ୍କର ଦୁଇ ଶିଶୁଙ୍କ ପାଇଁ ପତ୍ନୀ ହେଜଲ କିଚ୍ଙ୍କ ସହ ରାତି ଅନିଦ୍ରା ହେଉଛନ୍ତି। ଦୁଇ ଶିଶୁଙ୍କ ସହ ଯୁବରାଜ ଓ ହେଜଲ ଏକ ପାରିବାରିକ ଫଟୋ ସାମାଜିକ ଗଣମାଧ୍ୟମରେ ସେୟାର କରିବା ସହ ରାତି ଅନିଦ୍ରା ହେବା ଅଧିକ ଆନନ୍ଦ ଦେଉଥିବା ଶିରୋନାମାରେ ଲେଖିଛନ୍ତି। ସୂଚନାଯୋଗ୍ୟ, ଯୁବରାଜ ଓ ହେଜଲ ୨୦୧୬ରେ ବିବାହ କରିଥିଲେ। ଗତବର୍ଷ ତାଙ୍କର ଏକ ପୁତ୍ର ସନ୍ତାନ ଜନ୍ମ ହୋଇଥିଲା ବେଳେ ଚଳିତ ବର୍ଷ କନ୍ୟା ସନ୍ତାନ ଜନ୍ମ ନେଇଛି।
ତାଙ୍କ ଝିଅର ନାମ ‘ଆରା’ ରଖିବା ସହ ସେ ଆସିବା ଦ୍ବାରା ପରିବାର ପୂର୍ଣାଙ୍ଗ ହୋଇଥିବା ଯୁବରାଜ ଲେଖିଛନ୍ତି। ଯୁବରାଜ ଭାରତୀୟ ଦଳ ପାଇଁ ୪୦୨ ଆନ୍ତର୍ଜାତିକ ମ୍ୟାଚ୍ ଖେଳିଥିଲା ବେଳେ ୪୦ ଟେଷ୍ଟରୁ ୧୯୦୦ ରନ୍ ଏବଂ ୩୦୪ ଦିନିକିଆରୁ ୮୭୦୧ ରନ୍ ସଂଗ୍ରହ କରିଛନ୍ତି। ଟ୍ବେଣ୍ଟି-୨୦ରେ ୫୮ ମ୍ୟାଚ୍ ଖେଳି ୧୧୭୭ ରନ୍ କରିଥିଲେ। ୨୦୦୭ ଟ୍ବେଣ୍ଟି-୨୦ ବିଶ୍ବକପ୍ ଓ ୨୦୧୧ ଦିନିକିଆ ବିଶ୍ବକପ୍ ବିଜେତା ଭାରତୀୟ ଦଳରେ ସେ ସଦସ୍ୟ ଥିବା ବେଳେ ଦଳକୁ ଟ୍ରଫି ଜିତାଇବାରେ ବଡ଼ ଭୂମିକା ଗ୍ରହଣ କରିଥିଲେ। ୨୦୧୯ରେ ସେ ଆନ୍ତର୍ଜାତିକ କ୍ରିକେଟ୍ରୁ ଅବସର ନେଇଛନ୍ତି।
[ad_2]
