ନବରଙ୍ଗପୁର: ସ୍କୁଟି-ବାଇକ ମୁହାଁମୁହିଁ ଧକ୍କା, ୨ ମୃତ । ନବରଙ୍ଗପୁର ଜିଲ୍ଲା ଚାଉଁରିଆଗୁଡ଼ା ନିକଟ ଗ୍ଲେଜ ହୋଟେଲ ସମ୍ମୁଖରେ ଦୁର୍ଘଟଣା ଘଟିଛି। ମୃତକ ହେଲେ ଅମିତ ବାଘ ଓ ତ୍ରିଲୋଚନ ଯାନୀ । ଉଭୟ ଅମିତ ଓ ତ୍ରିଲୋଚନ ନିଜ ନିଜ ବାଇକରେ ଘରକୁ ଫେରୁଥିବାବେଳେ ଧକ୍କା ହୋଇଥିଲା । ଘଟଣାସ୍ଥଳରେ ହିଁ ଦୁଇଜଣଙ୍କୁ ମୃତୁ୍ୟ ହୋଇଛି।
ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ତ୍ରିଲୋଚନ ଯାନୀ ଓ ଅମୀତ ବାଘ କାମ ସାରି ଘରକୁ ଫେରୁଥିବା ବେଳେ ଗ୍ଲେଜ ହୋଟେଲ ନିକଟରେ ମୁହାଁ ମୁହିଁ ଧକ୍କା ହୋଇଥିଲା । ଫଳରେ ଦୁଇ ବାଇକ ଆରୋହୀଙ୍କ ମୃତ୍ୟୁ ଘଟିଥିଲା । ଅମିତଙ୍କ ଘର ବଡ଼ ଡାଇଭଟ୍ଟା ହୋଇଥିବା ବେଳେ ତ୍ରିଲୋଚନର ଘର ନବରଙ୍ଗପୁର ସହରରେ । ତେବେ ଦୁର୍ଘଟଣା ବାବଦରେ ଜାଣିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଉଭୟଙ୍କ ମୃତଦେହକୁ ଜବତ କରି ଶବ ବ୍ୟବଚ୍ଛେଦ ଗୃହରେ ରଖାଯାଇଛି ।
