[ad_1]
ମୁମ୍ବାଇ: ତାରା ସିଂହ ଏବଂ ସକିନାଙ୍କ ‘ଗଦର ୨’ ଏବେ ସିନେମା ହଲ୍ରେ ହଇଚଇ ସୃଷ୍ଟି କରିଛି। ଏହି ଫିଲ୍ମ ରିଲିଜ୍ ହେବା ପରେ ଚର୍ଚ୍ଚାରେ ରହିଛନ୍ତି ସନି ଦେଓଲ। ପୂର୍ବରୁ ସନି ଦେଓଲ ଓ ଈଶା ଦେଓଲଙ୍କ ସଂପର୍କ ଭଲ ନଥିବା ଖବର ରହିଥିବା ବେଳେ ନିକଟରେ ଦୁଇ ଭାଇଭଉଣୀଙ୍କୁ ଏକତ୍ର ଦେଖିବାକୁ ମିଳିଥିଲା। ଏଥିରେ ନିଜର ଖୁସି ବ୍ୟକ୍ତ କରିଛନ୍ତି ଧର୍ମେନ୍ଦ୍ର।
ନିଜର ଦୁଇ ପିଲାଙ୍କୁ ଏକାସାଥୀରେ ଦେଖି ଖୁସି ବ୍ୟକ୍ତ କରିଛନ୍ତି ଧର୍ମେନ୍ଦ୍ର। ଅଗଷ୍ଟ ୧୨ ତାରିଖରେ ମାଆ ହେମା ମାଳିନୀଙ୍କ ସହ ସନି ଦେଓଲଙ୍କ ଫିଲ୍ମ ‘ଗଦର-୨’ ଦେଖିବାକୁ ଯାଇଥିଲେ ଈଶା।
ଏହି ସମୟରେ ସେ ଫଟୋ ପାଇଁ ପୋଜ୍ ମଧ୍ୟ ଦେଇଥିଲେ, ଯାହାର ଭିଡିଓ ଏବେ ସାମ୍ନାକୁ ଆସିଛି। ତାଙ୍କୁ ଦେଖିବା ପରେ ପ୍ରଶଂସକମାନେ ବି ବେଶ୍ ଖୁସି ହୋଇ ଯାଇଛନ୍ତି। କାରଣ ଦୀର୍ଘ ଦିନ ଧରି ଧର୍ମେନ୍ଦ୍ର ଓ ଈଶାଙ୍କୁ ଏକତ୍ର ଦେଖିବାକୁ ଚାହିଁଥିଲେ ପ୍ରଶଂସକ।
ଧର୍ମେନ୍ଦ୍ର ୧୯୮୦ରେ ହେମା ମାଳିନୀଙ୍କୁ ବିବାହ କରିଥିଲେ। କିନ୍ତୁ ପ୍ରଥମ ପତ୍ନୀ ପ୍ରକାଶ କୌରଙ୍କୁ ଛାଡ଼ପତ୍ର ଦେଇନଥିଲେ। ପ୍ରଥମ ପତ୍ନୀଙ୍କ ପୁଅ ସନି ଦେଓଲ୍ ହୋଇଥିବା ବେଳେ ଦ୍ବିତୀୟ ପତ୍ନୀ ହେମା ମାଳିନୀଙ୍କ ଝିଅ ଈଶା ଦେଓଲ୍।
ହେମାଙ୍କ ଠାରୁ ଇଶା ଏବଂ ଅହାନା ଦେଓଲ ଜନ୍ମ ହୋଇଥିଲେ। କିନ୍ତୁ ସେମାନଙ୍କର ପିଲାମାନେ କେବେ ବି ଧର୍ମେନ୍ଦ୍ରଙ୍କ ପ୍ରଥମ ପତ୍ନୀ ପ୍ରକାଶ କୌର୍ଙ୍କ ୪ ପିଲାଙ୍କ ସହ ନଜର ଆସିନଥିଲେ। ସେଥିପାଇଁ ସେମାନଙ୍କ ମଧ୍ୟରେ ଫାଟ ଥିବା ସନ୍ଦେହ କରୁଥିଲେ ପ୍ରଶଂସକ।
[ad_2]
