ଜୀସାର୍ଥକର ସଂଗୀତ ଭିତ୍ତିକ ମନୋରଞ୍ଜନ କାର୍ଯ୍ୟକ୍ରମ ‘ସାରେଗାମାପା’ ଏବେ ଅନ୍ତିମ ପର୍ଯ୍ୟାୟରେ ପହଞ୍ଚିଛି। ଡିସେମ୍ବର ୮ ତାରିଖ ସନ୍ଧ୍ୟା ୬.୩୦ରେ ‘ସାରେଗାମାପା’ର ଗ୍ରାଣ୍ଡ୍ ଫିନାଲେ ପ୍ରସାରିତ ହେବ। ଏହି ୪ ଘଣ୍ଟିଆ ଏପିସୋଡର ମୁଖ୍ୟ ଆକର୍ଷଣ ସାଜିବାକୁ ଯାଉଛନ୍ତି ସୁପରଷ୍ଟାର ଅନୁଭବ ମହାନ୍ତି। ଏହା ସହିତ କାର୍ଯ୍ୟକ୍ରମରେ ବିଚାରକ ରହିବା ସହିତ ମନଛୁଆଁ ଗୀତ ପରିବେଷଣ କରିବେ ଲୋକପ୍ରିୟ କଣ୍ଠଶିଳ୍ପୀ ଅସୀମା ପଣ୍ଡା, ଦୀପ୍ତିରେଖା ପାଢ଼ୀ, କୁଳଦୀପ ପଟ୍ଟନାୟକ ଓ କ୍ରିଷ୍ଣା ବେଉରା। କାର୍ଯ୍ୟକ୍ରମରେ କଣ୍ଠଶିଳ୍ପୀ ଟି. ସୌରି, ବିଷ୍ଣୁ ମୋହନ କବି, ଗୌରବ ଆନନ୍ଦ ଓ ଅର୍ପିତାଙ୍କ ଦମଦାର ଗୀତ ମଧ୍ୟ ଶୁଣିବାକୁ ମିଳିବ। ନାୟକ ଶୈଳେନ୍ଦ୍ର, ମଣ୍ଟୁ, ଜ୍ୟୋତି ଓ ନାୟିକା ଶୀତଲ, ଶିବାନୀ, ଦିବ୍ୟା ଓ ଶାୟଲଙ୍କର ପ୍ରଦର୍ଶନ ମଧ୍ୟ ଦେଖିବାକୁ ମିଳିବ। ତେବେ କିଏ ହେବ ଚଳିତ ବର୍ଷ ‘ସାରେଗାମାପା’ର ବିଜେତା, ତାହା ଜାଣିବାକୁ ବହୁ ସଂଖ୍ୟାରେ କାର୍ଯ୍ୟକ୍ରମ ଦେଖିବାକୁ ଦର୍ଶକଙ୍କୁ ଅନୁରୋଧ କରିଛନ୍ତି ଜୀ ସାର୍ଥକର ଚିଫ୍ ଚ୍ୟାନେଲ ଅଫିସର୍ ପ୍ରତୀକ୍ ସୀଲ୍।
