ମାର୍ଶାଘାଇ: କେନ୍ଦ୍ରାପଡ଼ା ମାର୍ଶାଘାଇ ଇଂଲିଶ ମିଡିୟମ ବେସରକାରୀ ସ୍କୁଲରେ ଛାତ୍ରକୁ ନିର୍ଯାତନା । ଜଣେ ପ୍ରଥମ ଶ୍ରେଣୀ ଛାତ୍ରଙ୍କୁ ବିଦ୍ୟାଳୟର ଗ୍ରିଲରେ ବାନ୍ଧି ମାଡ ମାରିବା ଘଟଣାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।
ସୂଚନା ଅନୁସାରେ କେନ୍ଦ୍ରାପଡ଼ା ମାର୍ସାଘାଇରେ ଏକ ଘରୋଇ ଇଂରାଜୀ ମିଡିୟମ ସ୍କୁଲରେ ଜଣେ ପ୍ରଥମ ଶ୍ରେଣୀ ଛାତ୍ରଙ୍କୁ ଗ୍ରୀଲରେ ବାନ୍ଧି ନିର୍ଯାତନା ଦେଇଛନ୍ତି ସ୍କୁଲ କର୍ତ୍ତୃପକ୍ଷ । ଛାତ୍ରଙ୍କୁ ଘଣ୍ଟାଏରୁ ଅଧିକ ସମୟ ଧରି ଗ୍ରୀଲରେ ବାନ୍ଧି ରଖାଯାଇଥିଲା । ତାଙ୍କ ଅଣ୍ଟା ଓ ହାତକୁ ବଡ଼ ପ୍ଲାଷ୍ଟିକ ଦଉଡ଼ିରେ ଲୁହା ଗ୍ରୀଲ ସହ ବନ୍ଧା ଯାଇଥିଲା । ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ ପ୍ରଶାସନ ପକ୍ଷରୁ ତନାଘଟନା ଆରମ୍ଭ ହୋଇଛି । ଏହି ଘଟଣାରେ ଅଭିଭାବକ ଓ ବୁଦ୍ଧିଜୀବୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ବ୍ଳକ୍ ଶିକ୍ଷାଧିକାରୀ ।
