[ad_1]
ନୂଆଦିଲ୍ଲୀ, ୧୦/୬ : ସୁରକ୍ଷା ବାହିନୀକୁ ମିଳିଛି ବଡ ସଫଳତା । ଭାରତ ଓ ପାକିସ୍ତାନ ସୀମାବର୍ତ୍ତୀ ଅଞ୍ଚଳରେ ଏସ.ଓ.ଜି ଓ ପୋଲିସର କାର୍ଯ୍ୟାନୁଷ୍ଠାନ ଫଳରେ ୩ କିଲୋର ହେରୋଇନ ଜବତ କରାଯାଇଛି । ଏହି କାର୍ଯ୍ୟାନୁଷ୍ଠାନ ଫଳରେ ୩ ଜଣ ତସ୍କରଙ୍କୁ ଗିରଫ କରାଯାଇଛି । ଜବତ ହୋଇଥିବା ହେରୋଇନର ମୂଲ୍ୟ ଆନ୍ତର୍ଜାତୀୟ ବଜାରରେ ପ୍ରାୟ ୧୫ କୋଟି ଟଙ୍କା ହେବ ବୋଲି ଆକଳନ କରାଯାଉଛି । ପାକିସ୍ତାନୀ ତସ୍କର ଲଗାତାର ଭାରତୀୟ ସୀମା ଅତିକ୍ରମ କରି ହେରୋଇନ ତସ୍କରୀର ଉଦ୍ୟମ ଜାରି ରହିଛି । ପୋଲିସ ଏହାକୁ ରୋକିବା ପାଇଁ ବିଶେଷ ଅଭିଯାନ ମଧ୍ୟ ଚଳାଇଛି । ପାକିସ୍ତାନରୁ ଅନେକ ଥର ଡ୍ରୋନ ମାଧ୍ୟମରେ ଡ୍ରଗ୍ସ ଚାଲାଣ ଘଟଣାରେ ଧରାପଡିଛି । ଭାରତ-ପାକିସ୍ତାନ ସୀମାବର୍ତ୍ତୀ ଅଞ୍ଚଳରେ ସମେଜା ଥାନା ପାର୍ଶ୍ବବର୍ତ୍ତୀ ଗାଁ ୭୫ ଏନପି ମୋଡ଼ରେ ହେରୋଇନ ତସ୍କରୀ ନେଇ ସୂଚନା ଥିଲା । ଗିରଫ ଅଭିଯୁକ୍ତ ମାନେ ପଞ୍ଜାବର ତଲୱାଣ୍ଡି ଅଞ୍ଚଳର ନିବାସୀ ବୋଲି ଜଣା ପଡିଛି ।
[ad_2]
