[ad_1]
ନୂଆଦିଲ୍ଲୀ, ୬/୨ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ବ୍ୟକ୍ତିଗତ ସଚିବ ବୈଭବ କୁମାରଙ୍କ ଘରେ ଚଢାଉ କରିଛି ପ୍ରବର୍ତ୍ତନ ନିର୍ଦେଶାଳୟ । ଆମ ଆଦମୀ ପାର୍ଟି ସାଂସଦ ଏନଡି ଗୁପ୍ତାଙ୍କ ଘରେ ମଧ୍ୟ ଇଡି ରେଡ୍ କରିଛି। ଦିଲ୍ଲୀରେ ୧୨ଟି ସ୍ଥାନରେ ଏକକାଳୀନ ଚଢାଉ କରିଛି ଇଡି। ଜଳ ସମ୍ପଦ ବିଭାଗରରେ ବ୍ୟାପକ ଘୋଟାଲା ମାମଲାରେ ଇଡି ଏହି ରେଡ୍ କରୁଛି । ଦିଲ୍ଲୀ ଜଳ ବୋର୍ଡର ପୂର୍ବତନ ଅଧ୍ୟକ୍ଷ ଶଲଭ କୁମାରଙ୍କ ଘର ସହ ଅନ୍ୟ କିଛି ନେତାଙ୍କ ଘରେ ମଧ୍ୟ ରେଡ୍ କରିଛି ଇଡି। ଦିଲ୍ଲୀର ମନ୍ତ୍ରୀ ଅତିଶୀ ଏହି ରେଡକୁ ନେଇ ଆମେ ଡରିବୁ ନାହିଁ ବୋଲି କଛନ୍ତି। ଏବେଯାଏଁ ଗୋଟିଏ ଟଙ୍କା ମଧ୍ୟ ଜବତ କରିନାହିଁ ଇଡି। ଗୋଟିଏ ହେଲେ ବି ପ୍ରମାଣ ପାଇନାହାନ୍ତି। ଆମ୍ ଆଦମୀ ପାର୍ଟି ସୋସିଆଲ ମିଡିଆରେ ପ୍ରକାଶ କରିଛି ଯେ ଆଜି ସାମ୍ବାଦିକ ସମ୍ମିଳନୀ କରିବା ପୂର୍ବରୁ ଇଡି ଅନେକ ଆପ ନେତାଙ୍କ ଘରେ ଚଢାଉ ଆରମ୍ଭ କରିଥିଲା।
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସମସ୍ୟା ବଢ଼ିବାରେ ଲାଗିଛି ଗୋଟିଏ ପରେ ଗୋଟିଏ ମାମଲା ସାମ୍ନାକୁ ଆସିବାରେ ଲାଗିଛି । ଅର୍ଥ ହେରଫେର ମାମଲାରେ ସେମାନଙ୍କର ଅନେକ ନେତା ଫସିଛନ୍ତି । ଇଡିର ଖଣ୍ଡା ନିଜେ କେଜ୍ରିୱାଲଙ୍କ ଉପରେ ଲାଗିଛି। ଇଡିରୁ କେଜ୍ରିୱାଲଙ୍କୁ ପାଞ୍ଚଟି ସମନ ପଠାଯାଇଛି । ଗତ ଚାରି ମାସ ମଧ୍ୟରେ ଇଡି କେଜ୍ରିୱାଲଙ୍କୁ ୪ଥର ସମନ ପଠାଇଥିଲା କିନ୍ତୁ ସେ ଥରେ ମଧ୍ୟ ଦେଖା କରିନଥିଲେ। ଯେତେବେଳେ ସେ ପାଞ୍ଚଟି ସମନ ପଠାଇବା ସତ୍ତ୍ବେ ପଚରାଉଚରା କରିବାକୁ ଆସିନଥିଲେ, ପରେ ଇଡି କୋର୍ଟ ନିକଟକୁ ଯାଇଥିଲେ। କୋର୍ଟରେ ଦାଖଲ ହୋଇଥିବା ଅଭିଯୋଗରେ ଏଜେନ୍ସି କହିଛି ଯେ କେଜ୍ରିୱାଲ ଇଡି ଡାକରା ପାଳନ କରୁନାହାଁନ୍ତି।
[ad_2]
