[ad_1]
ମୁମ୍ବାଇ: ଅନେକ ସମୟରେ ବଲିଉଡ ଅଭିନେତା ହ୍ରିତିକ ରୋଶନଙ୍କ ପୂର୍ବ ପତ୍ନୀ ସୁଜାନେ ଖାନ ତାଙ୍କ ପ୍ରେମିକ ଅର୍ସଲାନ ଗୋନିଙ୍କ ସହ ଏକାନ୍ତରେ ସମୟ କଟାଉଥିବାର ଦେଖିବାକୁ ମିଳେ। ନୂଆବର୍ଷ ପାଇଁ ଏହି ପ୍ରେମୀଯୁଗଳ ବିଦେଶରେ ଛୁଟି କଟାଇବାକୁ ଯୋଜନା କରିଥିବା ବେଳେ ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ଭିତରକୁ ଯିବାକୁ ଦିଆଯାଇ ନଥିବା ସାମ୍ନାକୁ ଆସିଛି। ଶନିବାର ସକାଳେ ବିଦେଶ ଯିବା ପାଇଁ ମୁମ୍ବାଇ ବିମାନବନ୍ଦରରେ ପହଞ୍ଚିଥିଲେ ସୁଜାନେ ଓ ଅର୍ସଲାନ। କିନ୍ତୁ ଏହି ସମୟରେ ଏପରି କିଛି ଘଟିଥିଲା, ଯେଉଁଥି ପାଇଁ ସୁଜାନେ ଏବଂ ଅର୍ସଲାନଙ୍କୁ ଘରକୁ ଫେରିବାକୁ ପଡିଥିଲା।
Sambad is now on WhatsApp
Join and get latest news updates delivered to you via WhatsApp
ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓ ଭାଇରାଲ ହେବା ପରେ ଲୋକେ ଦୁହିଁଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି। ଭିଡିଓରେ ଦେଖାଯାଇଛି ଯେ, ବିମାନବନ୍ଦର ଫାଟକରେ ସୁଜାନେ ଖାନ ଏବଂ ଅର୍ସଲାନ ଗୋନିଙ୍କୁ ସେମାନଙ୍କର ଡକ୍ୟୁମେଣ୍ଟ ଦେଖାଇ ଭିତରକୁ ଯିବାକୁ କୁହାଯାଉଛି। ସୁଜାନେ ତାଙ୍କର ସମସ୍ତ ଡକ୍ୟୁମେଣ୍ଟ୍ ଦେଖାଇଥିବା ବେଳେ ଅର୍ସଲାନ୍ ଘରେ ପାସପୋର୍ଟ ଭୁଲି ଆସିଥିବା କହୁଛନ୍ତି। ଏହା ପରେ ଦୁହେଁ ଘରକୁ ଫେରିଛନ୍ତି। ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ଲୋକେ ଦୁହିଁଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି।
[ad_2]
