[ad_1]
ନୂଆଦିଲ୍ଲୀ, ୨୬/୧୨ : ଭାରତ ପହଞ୍ଚିଲା ଫ୍ରାନ୍ସରେ ଅଟକ ଥିବା ବିମାନ । ଆଜି ଭୋର ୪ଟା ବେଳେ ୨୭୬ଜଣ ଯାତ୍ରୀଙ୍କୁ ନେଇ ମୁମ୍ବାଇ ବିମାନ ବନ୍ଦରରେ ପହଞ୍ଚିଛି ଏହି ବିମାନ । ୪ଦିନ ଧରି ଫ୍ରାନ୍ସରେ ଫସିଥିବା ଏହି ବିମାନ ଶେଷରେ ମୁମ୍ବାଇରେ ଅବତରଣ କରିଛି । ବିମାନଟି ଭାରତ ଫେରିବା ପରେ ଯାତ୍ରୀ ଆଶ୍ୱସ୍ତ ହୋଇଛନ୍ତି । ୩୦୩ଜଣ ଯାତ୍ରୀଙ୍କ ମଧ୍ୟରୁ ୨ନାବାଳକ ଓ ଅନ୍ୟ ୨୫ଜଣ ଯାତ୍ରୀ ଫ୍ରାନ୍ସରେ ଶରଣ ନେବାକୁ ଚାହିଁଥିଲେ । ଦୁବାଇରୁ ଭାରତୀୟଙ୍କୁ ନେଇ ନିକାରାଗୁଆ ଯାଉଥିବା ବିମାନରେ ମାନବ ଚାଲାଣ ନେଇ ସନ୍ଦେହ ପରେ ଫ୍ରାନ୍ସ ରାଜଧାନୀ ପ୍ୟାରିସ ଠାରୁ ଦେଢ଼ ଶହ କିଲୋମିଟର ଦୂର ଭେଟ୍ରୋ ବିମାନ ବନ୍ଦରରେ ବିମାନକୁ ଅଟକାଇ ଦିଆଯାଇଥିଲା । ଭାରତୀୟ କାଉନସିଲର ମଧ୍ୟ ଯାତ୍ରୀଙ୍କ ନିକଟରେ ପହଂଚିଥିଲେ । ଏହାରି ଭିତରେ ମାନବ ଚାଲାଣ ହେଉନଥିବା ପଚରଉଚରାରୁ ଜଣାପଡ଼ିବା ପରେ ଯାତ୍ରୀଙ୍କୁ ନେଇ ମୁମ୍ବାଇ ଫେରିଛି ବିମାନ ।
[ad_2]
