[ad_1]
ନୂଆଦିଲ୍ଲୀ, ୨୬/୧୨ : ଆଜିଠୁ ଦକ୍ଷିଣ ଆଫ୍ରିକା-ଭାରତ ଟେଷ୍ଟ ସିରିଜ୍ ଆରମ୍ଭ । ଉଭୟ ସିରିଜ୍ରେ ଦମ୍ଦାର ପ୍ରଦର୍ଶନ ବଳରେ ସିରିଜ୍ ହାତେଇଛି ୟଙ୍ଗ ଇଣ୍ଡିଆ । ଆଉ ଏବେ ଟେଷ୍ଟ ସିରିଜ୍କୁ କବ୍ଜା କରିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ । ଟେଷ୍ଟ ସିରିଜ୍ ପାଇଁ ଉଭୟ ଦଳ ଜୋରଦାର ପ୍ରସ୍ତୁତି ଚଳାଇଛନ୍ତି । ଦକ୍ଷିଣ ଆଫ୍ରିକାରେ ଖେଳାଯାଇଥିବା ବର୍ତ୍ତମାନ ଯାଏଁ କୌଣସି ଟେଷ୍ଟ ସିରିଜ୍ ଜିତିନାହିଁ ଟିମ୍ ଇଣ୍ଡିଆ । ତେଣୁ ଏହି ଦୁଇ ଟିକିଆ ସିରିଜ୍ ଟିମ୍ ଇଣ୍ଡିଆ ପାଇଁ ବେଶ୍ କଷ୍ଟଦାୟକ ହେବ । ସିରିଜ୍ ଆରମ୍ଭ ପୂର୍ବରୁ ଆୟୋଜିତ ପ୍ରେସ୍ମିଟ୍ରେ ଭାରତୀୟ ଦଳର ଅଧିନାୟକ ରୋହିତ ଶର୍ମା କହିଥିଲେ ଯେ, ଏହି ସିରିଜ୍ ଆମ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । ଏବେ ଯାଏଁ ଦକ୍ଷିଣ ଆଫ୍ରିକାରେ ଆମ ଟିମ୍ ଗୋଟିଏ ବି ହେଲେ ସିରିଜ୍ ଜିତିନାହିଁ । ତେଣୁ ଟିମ୍ ଭଲ ପ୍ରଦର୍ଶନ କରିବାକୁ ଜୋରଦାର ଉଦ୍ୟମ କରିବ । ଯାହାଫଳରେ ଟିମ୍ ସିରିଜ୍ ହାତେଇବାରେ ସକ୍ଷମ ହେବ ।
ସମ୍ଭାବ୍ୟ ଦଳ
ଭାରତୀୟ ଦଳ : ରୋହିତ ଶର୍ମା (ଅଧିନାୟକ), ଯଶସ୍ୱୀ ଜୈସ୍ୱାଲ, ଶୁଭମନ୍ ଗିଲ୍, ବିରାଟ କୋହଲି, କେଏଲ୍ ରାହୁଲ, ଶ୍ରେୟାସ ଆୟର, ରବିନ୍ଦ୍ର ଜାଡେଜା, ସର୍ଦୁଲ ଠାକୁର/ ଆର୍ ଅଶ୍ୱିନୀ, ଯଶପ୍ରୀତ ବୁମରା, ପ୍ରସିଦ୍ଧ କ୍ରିଷ୍ଣା, ମହମ୍ମଦ ସିରାଜ୍।
ଦକ୍ଷିଣ ଆଫ୍ରିକା ଦଳ : ଡିନ୍ ଏଲ୍ଗାର, ଆଡେନ ମାକ୍ରମ, ଟୋନି ଡି ଜର୍ଜି, ତେମ୍ବା ବଭୂମା (ଅଧିନାୟକ), ଡେଭିଡ ବେଡିଙ୍ଗହାମ୍/ କିଗାନ ପିଟରସନ, କେଲି ଭେରେନ୍, ମାର୍କୋ ଜାନସେନ୍, କେଶବ ମହାରାଜ, ଗେରାଲ୍ଡ କୋଏଜି, କାଗିସୋ ରାବାଡ଼ା, ଲୁଙ୍ଗି ଏନ୍ଗିଡି ।
[ad_2]
