[ad_1]
ଭୁବନେଶ୍ଵର, ୧୯/୧୨ : ବିଜେଡି ଫୋକସରେ ପଶ୍ଚିମ ଓଡିଶା । ଖୁବ୍ ଶୀଘ୍ର ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାକୁ ଗସ୍ତ କରିବେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜେପି କହିଛି କେବଳ ପଶ୍ଚିମ ଓଡ଼ିଶା ନୁହେଁ ଦଳ ଫୋକସରେ ରହିଛି ସାରା ଓଡ଼ିଶା । ସେପଟେ ୯ରୁ ୯୦ ସିଟ୍ ପାଇଁ କସରତ୍ ଆରମ୍ଭ କରିଛି କଂଗ୍ରେସ । ଚଳିତମାସ ଶେଷ ସୁଦ୍ଧା ବରଗଡ଼ ପାଇକମାଳରେ ବିଭିନ୍ନ ପ୍ରକଳ୍ପ ଉଦଘଟଣା ସହ ବରଗଡ଼ବାସୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିପାରନ୍ତି ମୁଖ୍ୟମନ୍ତ୍ରୀ । ୨୦୨୪ ନିର୍ବାଚନକୁ ନେଇ ପଶ୍ଚିମ ଓଡ଼ିଶାକୁ ଫୋକସ କରିଛି ବିଜେଡି। ୨୦୧୯ରେ ହରାଇଥିବା ଆସନକୁ ପୁଣି ନିଜ କବଜାକୁ ଆଣିବାକୁ ସ୍ୱତନ୍ତ୍ର ଯୋଜନା କରିଛି ଦଳ । ଏମିତିରେ ଖୁବ୍ ଶୀଘ୍ର ପଶ୍ଚିମ ଓଡ଼ିଶାରେ ପ୍ରଚାର ଅଭିଯାନ ଆରମ୍ଭ କରିବେ ବିଜେଡି ସଭାପତି । ୨୦୨୪ ସାଧାରଣ ନିର୍ବାଚନ ପାଇଁ ହାତରେ ଆଉ ୪ରୁ ୫ମାସ ସମୟ । ତେବେ ଏହାର ଯଥେଷ୍ଟ ପୂର୍ବରୁ ବିଜେଡି ତା’ର କାର୍ଯ୍ୟକ୍ରମ ଆରମ୍ଭ କରିଦେଇଥିବା ବେଳେ ବିଜେପି ଓ କଂଗ୍ରେସ ସେମାନଙ୍କ ରଣନୀତି ପ୍ରସ୍ତୁତ କରୁଛନ୍ତି । ଉପକୂଳରୁ ଉତ୍ତର, ପଶ୍ଚିମରୁ ଦକ୍ଷିଣ ସବୁଠି ଭୋଟରଙ୍କ ଆସ୍ଥା ଭାଜନ ପାଇଁ ପ୍ରୟାସ ଆରମ୍ଭ କରିଦେଇଛନ୍ତି ସବୁ ଦଳ ।
[ad_2]
