[ad_1]
ନୂଆଦିଲ୍ଲୀ, ୨୬/୧୧ : ରାଜସ୍ଥାନର ୨୦୦ ବିଧାନସଭା ଆସନରୁ ୧୯୯ ଆସନରେ ଭୋଟ୍ ଗ୍ରହଣ ପ୍ରକ୍ରିୟା ଶେଷ ହୋଇଛି । ୭୦ ପ୍ରତିଶତ ଭୋଟର୍ ସେମାନଙ୍କ ମତାଧିକାର ସାବ୍ୟସ୍ତ କରିଥିବା ନିର୍ବାଚନ କମିସନଙ୍କ ସୂତ୍ରରୁ ଜଣାପଡ଼ିଛି । କାଁ ଭାଁ ଜାଗାରେ ହିଂସାକାଣ୍ଡ । ବିଭିନ୍ନ ସ୍ଥାନରେ ରାଜନୈତିକ ହିଂସା ଦେଖିବାକୁ ମିଳିଥିଲା। ଭରତପୁରରେ ବୁଥ୍ ଜବରଦଖଲ ଉଦ୍ୟମ ସହ ପୋଲିଂ ପାର୍ଟି ଉପରେ ଆକ୍ରମଣ ହୋଇଥିଲା। ଫତେହପୁରରେ ବିଜେପି ଓ କଂଗ୍ରେସ କର୍ମୀଙ୍କ ମଧ୍ୟରେ ସଂଘର୍ଷ ହୋଇଛି। ଏହି ନିର୍ବାଚନରେ ମୁଖ୍ୟମନ୍ତ୍ରୀ ଅଶୋକ ଗେହଲଟ ଯୋଧପୁରର ସରଦାରପୁରା ଆସନ, ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ଝାଲୱାଡ଼ ଜିଲ୍ଲାର ଝାଲର ପାଟନ, ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ ଟୋଙ୍କ ଆସନ ଏବଂ ବିରୋଧୀ ଦଳ ନେତା ରାଜେନ୍ଦ୍ର ସିଂହା ରାଠୋର ଚୁରୁ ଜିଲ୍ଲାର ତାରାନଗର ଆସନରୁ ନିର୍ବାଚନ ଲଢ଼ିଥିବା ବେଳେ ମୋଟ୍ ୧୮୬୨ ପ୍ରାର୍ଥୀଙ୍କ ଭାଗ୍ୟ ଇଭିଏମ୍ରେ ବନ୍ଦ ହୋଇଯାଇଛି।
[ad_2]
