[ad_1]
ମୁମ୍ବାଇ: ଫିଲ୍ମ ‘ଆନିମଲ’ ଚଳଚ୍ଚିତ୍ରରେ ବିପୁଳ ସଫଳତା ମିଳିବା ପରେ ଅଭିନେତ୍ରୀ ତୃପ୍ତି ଡିମ୍ରିଙ୍କ ଭାଗ୍ୟ ବଦଳିଛି। ରାତାରାତି ‘ଇଣ୍ଟରନେଟ ସେନସେସନ’ ହେବା ସହ ‘ନ୍ୟାସନାଲ କ୍ରସ’ ହୋଇଛନ୍ତି ତୃପ୍ତି। ପୂର୍ବରୁ କିଛି ଫିଲ୍ମରେ କାମ କରିଥିଲେ ବି ‘ଆନିମଲ’ ତାଙ୍କୁ ଲୋକପ୍ରିୟ କରାଇଛି। ଏମିତି କି ଅଭିନେତ୍ରୀ ସୁହାନା ଖାନ, ଖୁସୀ କପୁରଙ୍କ ବ୍ୟତୀତ ସେ ନିର୍ଦ୍ଦେଶକ ରାଜକୁମାର ହିରାନୀ ଏବଂ ଅଭିନେତା ତଥା ‘କେଜିଏଫ’ ଷ୍ଟାର ୟଶଙ୍କୁ ପଛରେ ପକାଇ ଦେଇଛନ୍ତି ତୃପ୍ତି।
Sambad is now on WhatsApp
Join and get latest news updates delivered to you via WhatsApp
ଆଇଏମଡିବି ଲୋକପ୍ରିୟ ଭାରତୀୟ ସେଲିବ୍ରିଟିଙ୍କ ଏକ ସାପ୍ତାହିକ ତାଲିକା ପ୍ରକାଶ କରିଛି। ଏହି ତାଲିକାରେ ଶୀର୍ଷରେ ଅଛନ୍ତି ତୃପ୍ତି। ସବୁଠୁ ବଡ଼ କଥା ହେଲା ‘ଆନିମଲ’ର ନିର୍ଦ୍ଦେଶକ ସନ୍ଦୀପ ରେଡ୍ଡୀ ବାଙ୍ଗା ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି। ଏହା ବ୍ୟତୀତ ଫିଲ୍ମ ‘ଥ୍ରୀ ଇଡିଅଟ’ର ନିର୍ଦ୍ଦେଶକ ରାଜକୁମାର ହିରାନୀ ମଧ୍ୟ ତୃପ୍ତିଙ୍କ ପଛରେ ରହିଛନ୍ତି। ଏହା ସହ ‘କେଜିଏଫ୍’ ତାରକା ୟଶ ଏହି ତାଲିକାରେ ବହୁ ପଛରେ ରହିଛନ୍ତି।
ଆନିମଲ୍ ଚଳଚ୍ଚିତ୍ର ରିଲିଜ୍ ହେବା ପରେ ତୃପ୍ତିଙ୍କର ଫଲୋୟର୍ସ ମଧ୍ୟ ବଢ଼ିଛନ୍ତି। ରିଲିଜ୍ ପୂର୍ବରୁ ତାଙ୍କୁ ମାତ୍ର ୬ଲକ୍ଷ ଲୋକ ଫଲୋ କରୁଥିଲେ। ହେଲେ ‘ଆନିମଲ’ ରିଲିଜ୍ ହେବା ପରେ ତୃପ୍ତିଙ୍କ ଲୋକପ୍ରିୟତା ସାଙ୍ଗକୁ ତାଙ୍କ ଫଲୋୟର୍ସ ସଂଖ୍ୟା ମଧ୍ୟ ବଢ଼ିଛି। ଫିଲ୍ମ ରିଲିଜ୍ ପରେ ୨ମିଲିୟନରୁ ଅଧିକ ଲୋକେ ତୃପ୍ତିଙ୍କୁ ଫଲୋ କରିବା ଆରମ୍ଭ କରିଛନ୍ତି। ଏବେ ଇନଷ୍ଟାରେ ତାଙ୍କୁ ୩.୭ମିଲିୟମ ଲୋକ ଫଲୋ କରୁଥିବା ଦେଖାଯାଇଛି।
[ad_2]
