[ad_1]
ମୁମ୍ବାଇ: ଚର୍ଚ୍ଚାରେ ବଲିଉଡ ଅଭିନେତ୍ରୀ ପ୍ରୀତି ଜିଣ୍ଟା। ଫିଲ୍ମଠାରୁ ଦୂରରେ ରହିଥିଲେ ବି ସୋସିଆଲ ମିଡିଆରେ ସକ୍ରିୟ ରହିଥାନ୍ତି ପ୍ରୀତି। ଅଭିନୟଠାରୁ ନିଜକୁ ଦୂରେଇ ଏବେ ପ୍ରୀତି କ୍ରିକେଟ ପ୍ରତି ମନ ଦେଇଛନ୍ତି। ସେ କିଙ୍ଗସ ଇଲେଭେନ୍ ପଞ୍ଜାବର ମାଲିକାଣୀ ହୋଇ ଏବେ ଟଙ୍କା ଆୟ କରୁଛନ୍ତି। ତେବେ ଏମଧ୍ୟରେ ତାଙ୍କ ନାମକୁ ନେଇ ଚର୍ଚ୍ଚା ଆରମ୍ଭ ହୋଇଛି। ପ୍ରକୃତରେ ଅଭିନେତ୍ରୀଙ୍କ ନାମ କ’ଣ ଏହାକୁ ନେଇ ଦ୍ବନ୍ଦ୍ବ ଆରମ୍ଭ ହୋଇଥିବା ବେଳେ ଏହାକୁ ଦୂର କରିଛନ୍ତି ଅଭିନେତ୍ରୀ।
Sambad is now on WhatsApp
Join and get latest news updates delivered to you via WhatsApp
କିଛି ବର୍ଷ ଧରି ଚର୍ଚ୍ଚା ହୋଇଆସୁଛି ଯେ, ପ୍ରୀତି ଜିଣ୍ଟାଙ୍କ ଅସଲ ନାମ ପ୍ରୀତମ ସିଂହ। ସେ ଏହାକୁ ବଦଳାଇ ପ୍ରୀତି କରିଛନ୍ତି। ଏଭଳି ଚର୍ଚ୍ଚା ମଧ୍ୟରେ ପ୍ରୀତି ନିଜର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ମୋର ନାମ କେବେ ବି ପ୍ରୀତମ ନଥିଲା। ଲୋକେ କହୁଛନ୍ତି ଯେ, ନାମ ବଦଳାଇ ମୁଁ ପ୍ରୀତମ ସିଂହ ଜିଣ୍ଟାରୁ ପ୍ରୀତି ଜିଣ୍ଟା କରିଛି। ହେଲେ ଏହା ସତ ନୁହେଁ। ଫିଲ୍ମ ‘ସୋଲଜର’ର ସୁଟିଂ ସେଟରେ ବବି ଦେଓଲ ଥଟ୍ଟାରେ ମୋତେ ପ୍ରୀତମ ଡାକିଥିଲେ। ସେବେଠାରୁ ଏହି ଚର୍ଚ୍ଚା ଅନେକ ଥର ହୋଇଛି। ସେ କାହିଁକି ପ୍ରୀତମ ଡାକିଥିଲେ, ଏପ୍ରଶ୍ନ ଆପଣ ବବି ଦେଓଲଙ୍କୁ ପଚାରିବେ। ଇନଷ୍ଟାରେ ଭିଡିଓ ସେୟାର କରି ସ୍ପଷ୍ଟ କରିଛନ୍ତି ଅଭିନେତ୍ରୀ।
[ad_2]
