[ad_1]
ନୂଆଦିଲ୍ଲୀ: ନିକଟରେ ସିଙ୍ଗିଙ୍ଗ ରିୟଲିଟି ସୋ’, ‘ଇଣ୍ଡିଆନ ଆଇଡଲ’ର ପ୍ରଥମ ସିଜନର ରନରଅପ ହୋଇଥିବା ଅମିତ ସାନା ସୋ’କୁ ନେଇ ଆଶ୍ଚର୍ଯ୍ୟଜନକ ମନ୍ତବ୍ୟ ଦେଇଛନ୍ତି। ସେ ରିୟଲିଟି ସୋ’କୁ ନେଇ ଅଭିଯୋଗ କରି କହିଛନ୍ତି କି ଅଭିଜିତ ସାୱନ୍ତ ଫିକ୍ସଡ ଉଇନର ଥିଲେ।
ଫାଇନାଲର ଦୁଇଦିନ ପୂର୍ବରୁ ତାଙ୍କର ଭୋଟିଂ ଲାଇନ୍ସ ବନ୍ଦ କରି ଦିଆଯାଇଥିଲା। ଏହା ଅଭିଜିତଙ୍କୁ ବିଜେତା କରିବା ପାଇଁ ଯୋଜନା କରାଯାଇଥିଲା।
ଅମିତ ସାନାଙ୍କ ଏହି ଅଭିଯୋଗକୁ ନେଇ ଅଭିଜିତ ମୁହଁଖୋଲିଛନ୍ତି। କଣ୍ଠଶିଳ୍ପୀ ଏହି ଘଟଣାକୁ ନେଇ କହିଛନ୍ତି, ‘ମୋତେ ଏହି ଦାବିର ସଫେଇ ଦେବା ପାଇଁ ହିଁ ସୋ’କୁ ଆସିବାକୁ ପଡ଼ିଛି।ଅମିତ ସାନାଙ୍କ ଅଭିଯୋଗ ମିଥ୍ୟା । କାରଣ ଇଣ୍ଡିୟନ ଆଇଡଲ ଭଳି ବଡ଼ ସୋ’ରେ ଯଦି ବିଜେତା ଫିକ୍ସ ଦେବେ ଦଙ୍ଗା ହୋଇଯାଇଥାଆନ୍ତା।
ସତ କହିବାକୁ ଗଲେ ଯଦି ଭୋଟିଂ ଲାଇନ୍ସ ବନ୍ଦ କରାଯାଇଥିଲା, ତେବେ ମୁଁ ଓ ରାହୁଲ ଟପ-୨ରେ ଥାଆନ୍ତୁ। କାରଣ ରାହୁଲ ମୂଳରୁ ସମସ୍ତଙ୍କ ପସନ୍ଦର ଥିଲେ।
ଇଣ୍ଡିଆନ ଆଇଡଲ ଶେଷ ହେବାପରେ ବି ସେ ଭଲ କାମ କରୁଥିଲେ। ସେ ବିଗବସ ଭଳି ସୋ’ର ପ୍ରତିଯୋଗୀ ବି ରହିଛନ୍ତି। ଯଦି ଲାଇନ୍ସ ବନ୍ଦ ହୋଇଯାଇଥାଆନ୍ତା ତେବେ ଅମିତ କେବେ ବି ଫାଇନାଲ ପର୍ଯ୍ୟନ୍ତ ପହଞ୍ଚି ପାରି ନଥାଆନ୍ତେ।
ମୁଁ କହିବି ଯେତେବେଳେ ଜୀବନକୁ ନେଇ କୌଣସି ଅଭିଯୋଗ ରହିଥାଏ, ତେବେ ନିଜର ଦୋଷ ଆମେ ଅନ୍ୟମାନଙ୍କ ଉପରେ ଲଦି ଦେବାକୁ ଚେଷ୍ଟା କରିଥାଉ। ଏହାଦ୍ବାରା ଲୋକଙ୍କୁ ଶାନ୍ତି ମିଳିଥାଏ।
[ad_2]
