[ad_1]
ମୁମ୍ବାଇ: ଆଜିକାଲି ଅନେକ ବଡ଼ ବଡ଼ ଚଳଚ୍ଚିତ୍ରକୁ ନେଇ ଜବରଦସ୍ତ ଆଲୋଚନା ହେଉଛି। ଅନେକ ଚଳଚ୍ଚିତ୍ରର ସୁଟିଂ ଚାଲିଛି ଏବଂ ଅନେକ ରିଲିଜ୍ ପାଇଁ ପ୍ରସ୍ତୁତ ହୋଇସାରିଛି। ଏ ମଧ୍ୟରେ ନିକଟରେ ବଲିଉଡ ଅଭିନେତା ରଣବୀର କପୁରଙ୍କ ଫିଲ୍ମ ‘ଆନିମଲ’ର ଟ୍ରେଲର ସାମ୍ନାକୁ ଆସିଛି। ଏହି ଟ୍ରେଲରରେ ରଣବୀର କପୁରଙ୍କ ଭିନ୍ନ ଲୁକ୍ ନଜର ଆସିଛି। ଟ୍ରେଲରରେ ରଣବୀର ସିଗାରେଟ ଟାଣୁଥିବା ସହ ତାଙ୍କର ଆକ୍ସନ ଅବତାର ଦେଖିବାକୁ ପାଇଛନ୍ତି ଦର୍ଶକ।
ଘଣ୍ଟାଏ ପୂର୍ବରୁ ଟି-ସିରିଜ୍ ୟୁଟ୍ୟୁବ ଚ୍ୟାନେଲରେ ଫିଲ୍ମର ଟ୍ରେଲର ରିଲିଜ୍ ହୋଇଥିବା ବେଳେ ଦର୍ଶକଙ୍କ ପ୍ରଶଂସା ସାଉଁଟିଛନ୍ତି ରଣବୀର। ଏତେ ଦିନର ବ୍ୟବଧାନ ପରେ ରଣବୀର ଏକ ଭିନ୍ନ ଓ ଲୋମଟାଙ୍କୁରି ଦେବା ଭଳି ଚରିତ୍ର କରିଥିବା ଲୋକେ କମେଣ୍ଟ କରି ଜଣାଇଛନ୍ତି।
ଜଣେ ବ୍ୟବହାରକାରୀ ରଣବୀର ଓ ରଶ୍ମିକାଙ୍କ ଯୋଡି ବହୁତ ସୁନ୍ଦର ଲାଗୁଥିବା ଲେଖିଥିବା ବେଳେ ଅନ୍ୟ ଜଣେ ଲେଖିଛନ୍ତି, ଏହି ଫିଲ୍ମଟି ରଣବୀରଙ୍କ କ୍ୟାରିୟରରେ ନୂଆ ମୋଡ ଆଣିବ।
ଅନ୍ୟପକ୍ଷରେ ଆନିମଲର ଟ୍ରେଲର ଲଞ୍ଚ ଇଭେଣ୍ଟରେ ରଶ୍ମିକା ମନ୍ଦନା କହିଛନ୍ତି ଯେ ସେ ଏହି ଚଳଚ୍ଚିତ୍ରକୁ ନେଇ ଖୁବ ଆଶାବାଦୀ ଏବଂ ଏହା ହୁଏତ ତାଙ୍କର ସର୍ବୋତ୍ତମ ଚଳଚ୍ଚିତ୍ର ହୋଇପାରେ।
ତେବେ ଏହି ଚଳଚ୍ଚିତ୍ରଟି ଡିସେମ୍ବର ୧ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ଯେଉଁଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ।
[ad_2]
