[ad_1]
ନୂଆଦିଲ୍ଲୀ: କ୍ରିକେଟର ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମା ଖେଳ ଓ ବଲିଉଡ ଦୁନିଆର ସବୁଠାରୁ ଚର୍ଚ୍ଚିତ ଯୋଡ଼ି ଭାବେ ଜଣାଶୁଣା। ଦୁହିଁଙ୍କ ଫ୍ୟାନ୍ସଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି।
ବିରାଟ ଓ ଅନୁଷ୍କା ଉଭୟ ଏକାଠି ସମୟ ବିତାଇବାର କୌଣସି ସୁଯୋଗକୁ ହାତଛଡ଼ା କରନ୍ତି ନାହିଁ। ନିକଟରେ ଦୁହେଁ ବାରବାଡୋସରେ ନିଜର ସମୟ କାଟୁଛନ୍ତି। ବିରାଟ ନିକଟରେ ଏକ ଫଟୋ ସେୟାର କରିଛନ୍ତି। ଯେଉଁଥିରେ ତାଙ୍କୁ ଓ ଅନୁଷ୍କାଙ୍କୁ ଏକ ରେସ୍ତୋରାଁର ମେନ୍ୟୁ ବୋର୍ଡ ନିକଟରେ ଛିଡ଼ା ହୋଇଥିବା ଦେଖିବାକୁ ମିଳୁଛି।
ଏହି ଫଟୋ ସେୟାର କରି ବିରାଟ ଲେଖିଛନ୍ତି,‘ବାରବାଡୋସର ଏହି କ୍ୟାଫେକୁ ନିଶ୍ଚୟ ଯାଆନ୍ତୁ। କାରଣ ଏଯାବତ ଆମେ ଯେତେ ବି ସ୍ଥାନ ବୁଲିଛୁ, ଏଠାକାର ଖାଦ୍ୟ ସବୁଠାରୁ ଉତ୍ତମ ରହିଛି।
ଏହା ପୂର୍ବରୁ ଅନୁଷ୍କା ଓ ବିରାଟଙ୍କୁ ଏକାଠି ଅଲିବାଗରେ ଦେଖିବାକୁ ମିଳିଥିଲା। ଖବର ଆସିଥିଲା କି ଦୁହେଁ ମିଶି କ୍ରିକେଟ ପିଚ ତିଆରି କରୁଛନ୍ତି। ଏହି ଖବରକୁ ନେଇ ବିରାଟ ରାଗି ଯାଇଥିଲେ। ଆଉ ଏକ ପୋଷ୍ଟ ସେୟାର କରି ଲେଖିଥିଲେ, ‘ ଏଭଳି ମିଥ୍ୟା ଖବର ଛାପନ୍ତୁ ନାହିଁ। ପିଲାଟି ବେଳୁ ଯେଉଁ ଖବର କାଗଜ ପଢ଼ିଛି। ସେଥିରେ ବି ମିଥ୍ୟା ଖବର ଛପା ଯାଉଛି ଜାଣି ଖରାପ ଲାଗୁଛି।’
[ad_2]
