ଆସିଲା ‘ବିଗ୍ବସ୍-୧୭’ର ପ୍ରୋମୋ ଭିଡିଓ: କେବଳ ସଲମାନ୍ ନୁହଁନ୍ତି, ୨ ଭାଇ ବି କରିବେ ସୋ’କୁ ହୋଷ୍ଟିଂ – bajravana
[ad_1]
ନୂଆଦିଲ୍ଲୀ: ଆଜିକାଲି ଟିଭିରେ କେବଳ ‘ବିଗ୍ବସ୍-୧୭’ ବିଷୟରେ ଆଲୋଚନା ହେଉଛି। ଅଙ୍କିତା ଲୋଖଣ୍ଡେଙ୍କୁ ବହୁ ସମର୍ଥନ ମିଳୁଥିବା ବେଳେ ପ୍ରିୟଙ୍କା ଓ ପରିଣୀତି ଚୋପ୍ରାଙ୍କ ଭଉଣୀ ମନ୍ନାର ଚୋପ୍ରାଙ୍କ ବିଷୟରେ ସୋସିଆଲ ମିଡିଆରେ ଅନେକ ଚର୍ଚ୍ଚା ହେଉଛି। ସପ୍ତାହନ୍ତରେ ସଲ୍ମାନ ଖାନ୍ଙ୍କ ମଜାଜିଆ ଅନ୍ଦାଜ ବି ଦର୍ଶକଙ୍କ ମନ କିଣିନେଉଛି।
କିନ୍ତୁ ବର୍ତ୍ତମାନ ମଜା ଦ୍ୱିଗୁଣିତ ହେବାକୁ ଯାଉଛି। କାରଣ ବର୍ତ୍ତମାନ କେବଳ ସଲମାନ ଖାନ ନୁହଁନ୍ତି ତାଙ୍କ ଦୁଇ ଭାଇ ଅରବାଜ ଖାନ ଏବଂ ସୋହେଲ ଖାନ ମଧ୍ୟ ସପ୍ତାହ ଶେଷରେ ସୋ’କୁ ହୋଷ୍ଟ୍ କରିବେ ବୋଲି ଶୁଣିବାକୁ ମିଳୁଛି।
କଲର୍ସ ଟିଭିର ଇନଷ୍ଟାଗ୍ରାମ ପୋଷ୍ଟରେ ଏକ ନୂଆ ପ୍ରୋମୋ ଭିଡିଓ ସେୟାର କରାଯାଇଛି, ଯେଉଁଥିରେ ଅରବାଜ ଖାନ ଏବଂ ସୋହେଲ ଖାନ ‘ବିଗ୍ବସ୍-୧୭’ର ହୋଷ୍ଟିଂ କରୁଥିବାର ଦେଖିବାକୁ ମିିଳିଛି।
ସଲମାନ ଖାନ ପ୍ରୋମୋ ଭିଡିଓ ସେୟାର୍ କରି କହୁଛନ୍ତି ଯେ ଶୁକ୍ରବାର ଏବଂ ଶନିବାର ଦିନ ସେ ନିଜେ ଏହି ସୋ’କୁ ହୋଷ୍ଟ୍ କରିବେ ଏବଂ ରବିବାର ଦିନ ଅରବାଜ ଖାନ ଏବଂ ସୋହେଲ ଖାନ୍ ହୋଷ୍ଟ୍ କରିବେ।
ଅକ୍ଟୋବର ୧୫ ତାରିଖରୁ ଦବଙ୍ଗବୟ ସଲମାନ ଖାନ ହୋଷ୍ଟ୍ କରିଥିବା ‘ବିଗ୍ବସ୍-୧୭’ ଆରମ୍ଭ ହୋଇଯାଇଛି। ‘ବିଗ୍ବସ୍ -୧୭’ ର ବିଷୟବସ୍ତୁ ହେଉଛି ଦମ୍ପତି ବନାମ ସିଙ୍ଗଲ୍, ଏବଂ ସୋ’କୁ ୧୭ ଜଣ ପ୍ରତିଯୋଗୀ ଯାଇଛନ୍ତି।
[ad_2]
