[ad_1]
ରାଇରଙ୍ଗପୁର/ବାଦାମପାହାଡ଼: ଜଣେ ଯୁବକଙ୍କ ଗଳା କାଟି ନିର୍ମମ ଭାବେ ହତ୍ୟା କରି ରାସ୍ତାକଡ଼କୁ ଫିଙ୍ଗିଦେଇଛନ୍ତି ଦୁର୍ବୃତ୍ତ। ମୟୂରଭଞ ଜିଲ୍ଲା ବାଦାମପାହାଡ଼ ଥାନା ଅର୍ନ୍ତଗତ ଝଲଡୁଙ୍ଗୁରୀ ଛକ ନିକଟସ୍ଥ ମାଛକାନ୍ଦଣା ଘାଟି ନିକଟରେ ଘଟିଛି ଏହି ହତ୍ୟାକାଣ୍ଡ। ମୃତ ଯୁବକ ହେଲେ ଉଦୟନାଥ କିସ୍କୁୁ(୪୦)
ସୂଚନା ଅନୁଯାୟୀ ଝଲଡୁଙ୍ଗୁରୀ ଛକ ଦେଇ ଯାଇଥିବା ରାଂଚି-ବିଜୟୱାଡା ୨୨୦ ନଂ ଜାତୀୟ ରାଜପଥର ରାସ୍ତାକଡ଼ରେ ଜଣେ ଯୁବକଙ୍କ ରକ୍ତାକ୍ତ ମୃତଦେହ ସ୍ଥାନୀୟ ଲୋକେ ଦେଖି ପୁଲିସକୁ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଂଚି ଘଟଣାର ଛାନଭିନ୍ ଆରମ୍ଭ କରିବା ସହିତ ଅଧିକ ତଦନ୍ତ ପାଇଁ ବାରିପଦାରୁ ସାଇନ୍ଟିଫିକ୍ଟ ଟିମକୁ ଡକାଇଥିଲା। ତେବେ ଯୁବକଙ୍କ ଗଳାକାଟି ନିର୍ମମ ଭାବେ ହତ୍ୟା କରାଯାଇଥିବା ବେଳେ କାରଣ ଅସ୍ପଷ୍ଟ ରହିଛି।
ପୁଲିସ ଜାଣିବାକୁ ପାଇଛି ଯେ, ମୃତ ଯୁବକ ହେଉଛନ୍ତି ରାଇରଙ୍ଗପୁର ଗ୍ରାମାଂଚଳ ଥାନା ଅର୍ନ୍ତଗତ ବଳଦପୁର(ଖେରଣା) ଗ୍ରାମର ଧନ କିସ୍କୁଙ୍କ ପୁଅ ଉଦୟନାଥ କିସ୍କୁ। ପୁଲିସ ମୃଦେହକୁ ଜବତ କରି ରାଇରଙ୍ଗପୁର ମେଡିକାଲକୁ ବ୍ୟବଛେଦ ପାଇଁ ପଠାଇଛି। ତେବେ ଯୁବକଙ୍କୁ କେଉଁ କାରଣରୁ ହତ୍ୟା କରାଯାଇଛି ଏବଂ କିଏ ହତ୍ୟା କରିଛି ସେ ସବୁର ତଦନ୍ତ ଜାରି ରଖିଛି ପୁଲିସ। ଏନେଇ ରାଇରଙ୍ଗପୁର ଗ୍ରାମାଂଚଳ ଥାନାରେ ଏକ ମାମଲା ରୁଜୁ ହୋଇଛି ।
[ad_2]
