[ad_1]
ଭରତପୁର(ରାଜସ୍ଥାନ): ସମ୍ପତ୍ତି ପାଇଁ ଭାଇ ଉପରେ ୮ଥର ଟ୍ରାକ୍ଟର ଚଢ଼ାଇ ହତ୍ୟା କଲା ଅଭିଯୁକ୍ତ। ଭିଡିଓ ଉତ୍ତୋଳନ କଲେ, ହେଲେ ବଞ୍ଚାଇବାକୁ ଚେଷ୍ଟା କଲେ ନାହିଁ ଲୋକେ। ରାଜସ୍ଥାନର ଭରତପୁରରେ ଘଟିଛି ଏଭଳି ଅଭାବନୀୟ ଘଟଣା। ଅଭିଯୁକ୍ତର ନାମ ଦାମୋଦର ବୋଲି ଜଣାପଡ଼ିଥିବା ବେଳେ ଏବେ ତାକୁ ଗିରଫ କରିଛି ପୁଲିସ। ମୃତକଙ୍କ ନାମ ନିରପତ ବୋଲି ଚିହ୍ନଟ କରାଯାଇଛି।
ମିଳିଥିବା ସୂଚନା ମୁତାବକ, ଭରତପୁରର ଏକ ଜମିକୁ ନେଇ ଦୁଇ ପରିବାର ବାହାଦୂର ସିଂ ଏବଂ ଅତର ସିଂଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା। କିଛି ଦିନ ଧରି ଚାଲିଆସୁଥିବା ଏହି ବିବାଦ ହିଂସାତ୍ମକ ହେବା ପରେ ଉଭୟ ପରିବାର ପଥର ଓ ବାଡ଼ିରେ ପରସ୍ପର ଉପରେ ଆକ୍ରମଣ ଆରମ୍ଭ କରିଥିଲେ। ଏହି ସମୟରେ ନିରପତ ତଳେ ପଡ଼ିଯିବା ଦେଖି ତାଙ୍କ ଉପରେ ଟ୍ରାକ୍ଟର ଚଢ଼ାଇଦେଇଥିଲେ ଦାମୋଦର। ଏହି ଘଟଣାରେ ୧୦ଜଣ ଆହତ ହୋଇଥିବା ଜଣାପଡ଼ିଛି।
भरतपुर के बयाना क्षेत्र में युवक की सरेआम ट्रैक्टर से रौंदकर हत्या की वारदात दिल दहला देने वाली है।
क्योंकि मामला पुलिस के संज्ञान में था, इसलिए उस पर सवाल उठना स्वाभाविक है।
यह अत्यंत निंदनीय हादसा है, जो गहलोत सरकार के कार्यकाल में उपजी आपराधिक – अराजक मानसिकता का परिणाम… pic.twitter.com/zoj3S3C5gP
— Gajendra Singh Shekhawat (@gssjodhpur) October 25, 2023
ଘଟଣା ସମୟର ଭିଡିଓ ଏବେ ଭାଇରାଲ ହେଉଛି, ଯେଉଁଥିରେ ନିରପତଙ୍କ ଉପରେ ଦାମୋଦର ଟ୍ରାକ୍ଟର ଚଢ଼ାଉଥିବା ଦେଖିବାକୁ ମିଳିଛି। ମୃତ୍ୟୁ ନହେବା ପର୍ଯ୍ୟନ୍ତ ଦାମୋଦର, ନିରପତଙ୍କ ଉପରେ ଆଗ ପଛ କରି ୮ଥର ଟ୍ରାକ୍ଟର ଚଢ଼ାଇଥିବା ଦେଖାଯାଇଛି।
[ad_2]
