[ad_1]
ନୂଆଦିଲ୍ଲୀ, ୦୭/୧୦ : ମେକ୍ସିକୋରେ ଏକ ଭୟଙ୍କର ବସ୍ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୧୬ ଜଣଙ୍କ ଜୀବନ ଯାଇଥିବା ବେଳେ ୨୭ ଜଣ ଗୁରୁତର ହୋଇଛନ୍ତି । ମୃତକମାନେ ଭେନଜୁଏଲାର ନାଗରିକ ବୋଲି ଜଣାଯାଇଛି। ମୃତକଙ୍କ ମଧ୍ୟରେ ୩ ଶିଶୁ ଓ ଦୁଇ ମହିଳା ବି ଅଛନ୍ତି। ତୁରନ୍ତ ଉଦ୍ଧାରକାରୀ ଦଳ ପହଞ୍ଚି ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି। ପ୍ରାୟ ୫୫ ଭେନଜୁଏଲା ନାଗରିକ ଉକ୍ତ ବସ୍ରେ ଥିଲେ। ସେମାନେ ମେକ୍ସିକୋ ଦେଇ ବେଆଇନ ଭାବ ଆମେରିକା ବର୍ଡର ଅଭିମୁଖେ ଦ୍ରୁତ ଗତିରେ ଯାତ୍ରା କରୁଥିଲେ। ମେକ୍ସିକୋରେ ନିୟମିତ ଭାବ ଶରଣାର୍ଥୀ ଯାଉଥିବା ଯାନବାହନ ଉପରେ ଚଢ଼ାଉ କରାଯାଉଥିବାରୁ ବିପଦପୂର୍ଣ୍ଣ ଭାବେ ବହୁ ଲୋକ ଯାତ୍ରା କରୁଛନ୍ତି। ଡକ୍ୟୁମେଣ୍ଟ ଓ ଟିକେଟ ସହ ଯାତ୍ରା କରିବା ଉପରେ ମେକ୍ସିକୋ ସରକାର ଗୁରୁତ୍ୱ ଦେଉଥିବା ବେଳେ ଆର୍ଥିକ ଦିଗରୁ ଅନଗ୍ରସର ଲୋକେ ଶସ୍ତାରେ ଯିବା ନିମନ୍ତେ ଏପରି ଉପାୟ ଅବଲମ୍ବନ କରିବାକୁ ପଛାଉ ନାହାନ୍ତି। ଫଳରେ କିଛି ଦଲାଲ ସ୍ୱଳ୍ପ ଅର୍ଥରେ ସେମାନଙ୍କୁ ପୁରୁଣା ବସ୍, ଟ୍ରକ୍ରେ ବର୍ଡର ପାସ୍ କରାଉଥିବା ବେଳେ ଏପରି ଦୁର୍ଘଟଣା ଘଟୁଛି।
[ad_2]
