ବିଗ୍ ବସ୍-୧୭ର ସବୁଠୁ ମହଙ୍ଗା ପ୍ରତିଯୋଗୀ ଅଙ୍କିତା ! ଜାଣନ୍ତୁ କେତେ ରହିବ ଅଭିନେତ୍ରୀଙ୍କ ପାରିଶ୍ରମିକ – bajravana
[ad_1]
ମୁମ୍ବାଇ: ଏବେ ବଲିଉଡର ଟାଇଗର ସଲମାନ ଖାନଙ୍କ ସୋ’ ବିଗ୍ ବସ୍ ୧୭କୁ ନେଇ ଚର୍ଚ୍ଚା ଆରମ୍ଭ ହୋଇଛି। ଏହି ସୋ’ର ପ୍ରୋମୋ ରିଲିଜ୍ ହେବା ପରଠାରୁ କେଉଁ ପ୍ରତିଯୋଗୀମାନେ ଏଥର ସୋ’ରେ ଭାଗ ନେବେ, ତା’ ଉପରେ ସମସ୍ତଙ୍କ ନଜର ରହିଛି। ମିଡିଆ ରିପୋର୍ଟ ଅନୁଯାୟୀ, ସୋ’ର ପ୍ରଥମ ନିଶ୍ଚିତ ହୋଇଥିବା ପ୍ରତିଯୋଗୀ ହେଉଛନ୍ତି ଟେଲି ଅଭିନେତ୍ରୀ ଅଙ୍କିତା ଲୋଖଣ୍ଡେ। ସେ ତାଙ୍କ ସ୍ୱାମୀ ବିକି ଜୈନଙ୍କ ସହ ସୋ’କୁ ଆସିବେ ବୋଲି ଜଣାପଡ଼ିଛି। ଏହା ମଧ୍ୟ କୁହାଯାଉଛି ଯେ ଅଙ୍କିତା ସୋ’କୁ ୨୦୦ପୋଷାକ ନେଇ ଆସିବେ। ଏହା ସହ ଅଙ୍କିତା ଏହି ସୋ’ର ସବୁଠାରୁ ଦାମୀ ପ୍ରତିଯୋଗୀ ହେବାକୁ ଯାଉଥିବା କୁହାଯାଉଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଅଙ୍କିତା ବିଗ୍ ବସ୍ ୧୭ର ସବୁଠାରୁ ଦାମୀ ପ୍ରତିଯୋଗୀ ହେବାକୁ ଯାଉଛନ୍ତି। କୁହାଯାଉଛି ଯେ ଅଙ୍କିତା ପ୍ରତି ସପ୍ତାହରେ ୧୦ରୁ ୧୨ଲକ୍ଷ ଟଙ୍କା ପାରିଶ୍ରମିକ ନେବେ । ହେଲେ ତାଙ୍କ ସ୍ୱାମୀ ବିକି ଜୈନଙ୍କ ପାରିଶ୍ରମିକ ବିଷୟରେ ସୂଚନା ଏପର୍ଯ୍ୟନ୍ତ ସାମ୍ନାକୁ ଆସି ନାହିଁ। ତେବେ ଏହି ଖବରକୁ ନେଇ ଏପର୍ଯ୍ୟନ୍ତ ଅଙ୍କିତା କି ତାଙ୍କ ସ୍ବାମୀ କୌଣସି ପ୍ରତିକ୍ରିୟା ଦେଇନାହାନ୍ତି। ତେଣୁ ଏହି ଖବରରେ କେତେ ସତ୍ୟତା ରହିଛି, ତାହା ସ୍ପଷ୍ଟ ହୋଇପାରିନାହିଁ।
କୁହାଯାଉଛି ଯେ, ଏଥର ସୋ’ରେ ଗାୟକ ଏବଂ ଦମ୍ପତିଙ୍କ ମଧ୍ୟରେ ଲଢ଼େଇ ଦେଖିବେ ଦର୍ଶକ। ଏକାକୀ ଆସିଥିବା ୫ଜଣ ପ୍ରତିଯୋଗୀଙ୍କ ଲଢ଼ିବେ ୪ଦମ୍ପତି। ସୋ’ର ଫର୍ମାଟ ଏପର୍ଯ୍ୟନ୍ତ ଜଣାପଡ଼ିନଥିଲେ ବି ଏଥର ସୋ’ ପୂର୍ବ ଅପେକ୍ଷା ମଜାଦାର ହେବ ବୋଲି ଚର୍ଚ୍ଚା ହେଉଛି।
[ad_2]
