[ad_1]
ନୂଆଦିଲ୍ଲୀ, ୨୭/୦୯ : ସିନେମା ମିଶନ ରାନୀଗଞ୍ଜର ଦି ଗ୍ରେଟ୍ ଭାରତ ରେସ୍କ୍ୟୁରେ ନଜର ଆସିବେ ଅକ୍ଷୟ । ଜଣେ ରିୟଲ ଲାଇଫ୍ ହିରୋଙ୍କ ସାହସିକତାକୁ ନେଇ ନିର୍ମିତ ଏହି ସିନେମାରେ ଅକ୍ଷୟଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଏକ୍ସାଇଟମେଣ୍ଟ ଭରି ରହିଥିବା ବେଳେ ଏବେ ରିଲିଜ ହୋଇଛି ଏହାର ଟ୍ରେଲର୍ । ଇମୋଶନ, ଡ୍ରାମା, ଇନ୍ସପିରେସନ, ସାହସିକତା ଭରି ରହିଥିବା ଏହି ଟ୍ରେଲରକୁ ଦର୍ଶକଙ୍କ ଭରପୁର୍ ଭଲ ପାଇବା ମିଳିଛି । ରିଲିଜ ହେବାର ୨୪ ଘଣ୍ଟା ମଧ୍ୟରେ ହିଁ ଟ୍ରେଲରଟି ଟ୍ରେଣ୍ଡିଂକୁ ଆସିଛି । ସିନେମାଟି ରିୟଲ ଲାଇଫ୍ ହିରୋ ଜଶୱନ୍ତ ସିଂହ ଗିଲଙ୍କ ଜୀବନୀକୁ ନେଇ ନିର୍ମିତ ।
୧୯୮୯ରେ ରାନୀଗଞ୍ଜର ବନ୍ୟାପ୍ରବଣ କୋଇଲା ଖାଦାନରେ ଫସି ରହିଥିବା ଶ୍ରମିକଙ୍କୁ ଉଦ୍ଧାର କରିଥିଲେ ଜଶୱନ୍ତ । ସମୟ ବିରୁଦ୍ଧରେ ତାଙ୍କର ଏହି ଲଢ଼େଇକୁ ନେଇ ସିନେମାର କାହାଣୀ ଗତିଶୀଳ ହୋଇଛି । ସିନେମାରେ ରେସ୍କ୍ୟୁ ଅପରେସନର ଝଲକ ମଧ୍ୟ ଦେଖିବାକୁ ମିଳିଛି । ନିଜ ଫ୍ୟାନ୍ସଙ୍କୁ ସବୁବେଳେ ଇମ୍ପ୍ରେସ କରି ଆସୁଥିବା ଖିଲାଡ଼ି କୁମାର ଏଥର ମଧ୍ୟ ନିଜ ଦମଦାର ଅଭିନୟ ମାଧ୍ୟମରେ ଦର୍ଶକଙ୍କୁ ବାନ୍ଧି ରଖିଛନ୍ତି । ଟ୍ରେଲରର ଶେଷରେ ଅକ୍ଷୟ ଭଗବାନଙ୍କୁ ପ୍ରାର୍ଥନା କରୁଥିବା ଦୃଶ୍ୟ ସମସ୍ତଙ୍କୁ ଇମୋସନାଲ କରିଛି । ଫିଲ୍ମରେ ଅକ୍ଷୟଙ୍କ ଲୁକବି ଦର୍ଶକଙ୍କୁ କାଫି ପସନ୍ଦ ଆସିଛି ।
[ad_2]
