[ad_1]
ସୁନାବେଡ଼ା: କୋରାପୁଟ ଜିଲ୍ଲା ସୁନାବେଡ଼ା ଥାନା ଅନ୍ତର୍ଗତ ରାଜପୁଟ ଠାରେ ଥିବା ୨୦୨ କୋବ୍ରା ବାଟଲିୟନରେ ଜଣେ ଯବାନ ନିଜ ଥୋଡ଼ି ତଳେ ନିଜର ସର୍ଭିସ ରିଭଲଭରରେ ନିଜକୁ ଗୁଳି କରି ଆତ୍ମହତ୍ୟା କରିଥିବା ଜଣାପଡ଼ିଛି। ମୃତ ଯବାନ ଜଣକ ହେଲେ ସେର ଦିଲୀପ। ସେ ଗୁଜୁରାଟର ଦ୍ୱାରକା ଜିଲ୍ଲା ଜରେରା ଗ୍ରାମର ବାସିନ୍ଦା ବୋଲି ଜଣା ପଡିଛି।
ସୂଚନା ଅନୁସାରେ ଦିଲୀପ ଆଜି ଭୋର ୩.୪୦ ମିନିଟରେ ଗେଟ ନଂ ୨ ରେପହରା ଦେଉଥିବା ସମୟରେ ସେ ଆତ୍ମହତ୍ୟା କରିଥିବା ଜଣାପଡ଼ିଛି। ସକାଳେ ଯବାନ ଦିଲୀପଙ୍କ ଶରୀର ରକ୍ତରେ ଜୁଡୁବୁଡୁ ହୋଇ ପଡିଥିବା ଦେଖି ଅନ୍ୟ ସାଥି ଯବାନମାନଙ୍କୁ ଜଣାଇଥିଲେ। ଖବର ପାଇ ସୁନାବେଡା ପୁଲିସ କୋବ୍ରା କ୍ୟାମ୍ପରେ ପହଞ୍ଚି ମୃତଦେହ ଜବତ କରି ଶବ ବ୍ୟବଛେଦ ପାଇଁ ପଠାଇଛନ୍ତି। ସୁନାବେଡ଼ା ଥାନା ଅଧିକାରୀ ରମଣୀ ରଂଜନ ଦଳେଇ କହିଛନ୍ତି ବର୍ତ୍ତମାନ ଯାଏଁ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି। ତଦନ୍ତ ଜାରି ରହିଛି। ଅନ୍ୟପଟରେ ବାର ବାରମ୍ବାର ଏହି କୋବ୍ରା କ୍ୟାମ୍ପରେ ଏହିପରି ଦୁର୍ଘଟଣା ସାଧାରଣରେ ଚର୍ଚ୍ଚାର ବିଷୟ ପାଲଟିଛି। ଉଲ୍ଲେଖଯୋଗ୍ୟ ଯେ, ଏହି କ୍ୟାମ୍ପରେ ପୂର୍ବରୁ ମଧ୍ୟ ଏଭଳି ଅଘଟଣ ଘଟିଥିଲା।
[ad_2]
