[ad_1]
ରାଉରକେଲା: ଶୁକ୍ରବାର ସନ୍ଧ୍ୟାରେ ଜଣେ ଯୁବକ ବ୍ରିଜ ଉପରୁ ବ୍ରାହ୍ମଣୀ ନଦୀକୁ ଡେଇଁ ପଡ଼ିଛନ୍ତି। ଯୁବକ (୩୮) ଜଣକ ବାସନ୍ତୀ କଲୋନିର ବୋଲି ପୁଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। ଆଜି ସନ୍ଧ୍ୟା ପ୍ରାୟ ସାଢ଼େ ୭ଟା ହେବ। ଯୁବକ ଜଣକ ନିଜ ସ୍କୁଟି(ଓଆର-୧୪-ଏକ୍ସ-୨୨୩୮)ରେ ପୁରୁଣା ବ୍ରାହ୍ମଣୀ ବ୍ରିଜ୍ ଉପରେ ଛିଡ଼ା ହୋଇଥିଲେ। ସନ୍ଧ୍ୟା ସମୟରେ ବ୍ରିଜ୍ ଦେଇ ବହୁସଂଖ୍ୟକ ଯାତ୍ରୀ ଯିବାଆସିବା କରୁଥିଲେ। ତେବେ କେହି କିଛି ଠାଉରିବା ପୂର୍ବରୁ ଯୁବକ ଜଣକ ବ୍ରିଜ୍ ଉପରୁ ନଦୀକୁ ଡେଇଁ ପଡ଼ିଥିଲେ। ଏନେଇ ସୂଚନା ଦିଆଯିବାପରେ ଅଗ୍ନିଶମ ବିଭାଗ, ରଘୁନାଥପଲ୍ଲୀ ପୁଲିସ ଘଟଣାସ୍ଥଳରେ ପହଞ୍ଚିଥିଲା। ଯୁବକଙ୍କୁ ଖୋଜାଖୋଜି କରିଥିଲେ ମଧ୍ୟ ତା’ର କୌଣସି ପତ୍ତା ମିଳିପାରିନାହିଁ। ପୁଲିସ ଘଟଣାସ୍ଥଳରୁ ଯୁବକଙ୍କ ସ୍କୁଟି ଓ ମୋବାଇଲ ଫୋନ ଜବତ କରିଛି।
[ad_2]
