‘ଟିମ୍ ଇଣ୍ଡିଆ’ ଖେଳାଳିଙ୍କୁ ‘ଭାରତ’ ଲେଖାଥିବା ଜର୍ସି ପିନ୍ଧିବାକୁ କହିଲେ ବିରେନ୍ଦ୍ର ସେହ୍ବାଗ – bajravana
[ad_1]
ନୂଆଦିଲ୍ଲୀ: ୨୦୨୩ ବିଶ୍ୱକପ ପାଇଁ ଭାରତୀୟ ଦଳ ଘୋଷଣା କରାଯାଇଛି। ଦଳର ଅଧିନାୟକ ରୋହିତ ଶର୍ମା ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର ଶ୍ରୀଲଙ୍କା ପାଇଁ ଦଳ ଘୋଷଣା କରିଛନ୍ତି। ଏହି ଅବସରରେ ବିସିସିଆଇ ସୋସିଆଲ ମିଡିଆରେ ଦଳର ଏକ ଫଟୋ ସେୟାର କରିଛି। ବିସିସିଆଇ ଲେଖିଛି, ‘‘ବିଶ୍ୱକପ୍ ୨୦୨୩ ପାଇଁ ଟିମ୍ ଇଣ୍ଡିଆର ଦଳ ପ୍ରସ୍ତୁତ। କିନ୍ତୁ ବିସିସିଆଇର ଏହି ଟ୍ୱିଟକୁ ପୂର୍ବତନ ଭାରତୀୟ ଦଳର ଓପନର୍ ବିରେନ୍ଦ୍ର ସେହ୍ବାଗ ପସନ୍ଦ କରିନାହାଁନ୍ତି।
ବର୍ତ୍ତମାନ ଦେଶର ନାମ ‘ଇଣ୍ଡିଆ’ ବନାମ ‘ଭାରତ’କୁ ନେଇ ଦେଶରେ ବିବାଦ ଲାଗି ରହିଛି। ସମସ୍ତେ ଏହା ଉପରେ ନିଜର ମତ ଦେଉଛନ୍ତି। ପୂର୍ବତନ ଓପନର୍ ବିରେନ୍ଦ୍ର ସେହ୍ବାଗ ମଧ୍ୟ ଏଥିରେ ନିଜର ମତ ରଖି ଅଡୁଆ ଭିତରେ ପାଦ ଥୋଇଛନ୍ତି। ସେ ବିସିସିଆଇର ଟ୍ୱିଟରେ ଲେଖିଛନ୍ତି , ‘‘ଟିମ୍ ଇଣ୍ଡିଆ ନୁହେଁ, ଟିମ୍ ଭରତ। ଏହି ବିଶ୍ୱକପ୍ରେ ଭାରତକୁ ହୃଦୟରେ ରଖି କୋହଲି, ରୋହିତ, ବୁମରା, ଜାଡୁ ‘ଭାରତ’ ଲେଖା ହୋଇଥିବା ଜର୍ସି ପିନ୍ଧ।’’
Team India nahin #TeamBharat.
This World Cup as we cheer for Kohli , Rohit , Bumrah, Jaddu , may we have Bharat in our hearts and the players wear jersey which has “Bharat” @JayShah .— Virender Sehwag (@virendersehwag) September 5, 2023
ଉଲ୍ଲେଖଯୋଗ୍ୟ, କଂଗ୍ରେସ ସମେତ ଅନେକ ବିରୋଧୀ ଦଳ ୨୦୨୪ ଲୋକସଭା ନିର୍ବାଚନରେ ଏକାଠି ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଥିଲେ। ମିଳିତ ଭାବରେ ସେମାନେ ଏକ ମିଳିତ ମଞ୍ଚ ଗଠନ କଲେ ଏବଂ ଏହାର ନାମ ରଖିଲେ ‘ଇଣ୍ଡିଆ’। ଏଇଠୁ ହିଁ ବିବାଦ ଆରମ୍ଭ ହୋଇଥିଲା। ଶାସକ ଦଳ ବିଜେପି ଏହାକୁ ବିରୋଧ କରିଥିଲା ଏବଂ ସେବେଠାରୁ ‘ଇଣ୍ଡିଆ’ ବଦଳରେ ଦେଶର ନାମ ‘ଭାରତ’ ବ୍ୟବହାର ପାଇଁ କୁହଯାଉଛି।
[ad_2]
